सरकार र सहकारीपीडितबीच ७ बुँदे सहमति

सहकारी

गृहपृष्ठ
सहकारी

सरकार र सहकारीपीडितबीच ७ बुँदे सहमति

क्यापिटल नेपाल बिहीबार, साउन १८, २०८०

काठमाडौं। आन्दोलनरत सहकारीपीडित र सरकारबीच ७ बुँदे सहमति भएको छ।

बिहीबार भूमि व्यवस्था, सहकारी तथा गरिबी निवारण मन्त्री रञ्जिता श्रेष्ठको उपस्थितिमा आन्दोलनरत सहकारीपीडित र सरकारी पक्षबीच सहमति भएको हो।

सहमतिपछि आन्दोलनरत सहकारीपीडितले आजैदेखि आन्दोलन स्थगित गर्ने सहमति गरेका छन्।

सम्झौतामा सहकारी क्षेत्रको सुधारका लागि सुझाव दिन गठित कार्यदलमा अनसनरधर्नामा रहेका बचतकर्ताबाट ३ जनालाई आमन्त्रित सदस्यका रूपमा समावेश गर्ने, बचतकर्ताको रकम फिर्तालाई सुरक्षा प्रदान गर्न तत्काल बचत तथा कर्जा सुरक्षण कोष स्थापनाका लागि मन्त्रालयले तत्काल कार्य प्रक्रिया अघि बढाउने उल्लेख छ ।

त्यस्तै कर्जा प्रक्रियालाई छोटो छरितो र प्रवभाकारी बनाउने, ओरेन्टललगायत समस्याग्रस्त घोषित सहकारी संस्थाको तर्फबाट बचतकर्तालाई रकम फिर्ता गर्दा स्पष्ट कार्ययोजना बनाइ मन्त्रालयले समन्वय गर्नेलगायतका निर्णय भएका छन् ।

प्रकाशित मिति: बिहीबार, साउन १८, २०८० १८:००

प्रतिक्रिया दिनुहोस्