कृषि विकास बैंकको खुदनाफा ३ अर्ब ९ करोड, सेयरधनीलाई लाभांश दिने क्षमता १४.९२ प्रतिशत

बैंकिङ

गृहपृष्ठ
बैंकिङ

कृषि विकास बैंकको खुदनाफा ३ अर्ब ९ करोड, सेयरधनीलाई लाभांश दिने क्षमता १४.९२ प्रतिशत

क्यापिटल नेपालशनिबार, साउन २०, २०८०

काठमाडौं। गत आर्थिक वर्षमा कृषि विकास बैंकको खुदनाफा ३९.२४ प्रतिशत बढेको छ। गत वर्ष बैंकले ३ अर्ब ९ करोड ९३ लाख रुपैयाँ खुद नाफा कमाएको छ।

अघिल्लो वर्षको यसै अवधिमा बैंकले २ अर्ब २२ करोड ५७ लाख रुपैयाँ खुदनाफा गरेको थियो। एक वर्षमा बैंकले ८७ करोड ३५ लाख रुपैयाँ खुदनाफा बढाएको छ।

बैंकद्धारा सार्वजनिक गत आर्थिक वर्षको चौथो त्रैमासको अपरिस्कृत वित्तीय विवरणअनुसार बैंकले २ अर्ब रुपैयाँ वितरणयोग्य नाफा आर्जन गरेको छ। बैंकको चुक्ता पुँजी १३ अर्ब ४५ करोड रुपैयाँ छ। जसको आधारमा बैंकले गत आवको नाफाबाट सेयरधनीलाई १४.९२ प्रतिशत लाभांश वितरण गर्ने क्षमता राख्छ।

समीक्षा अवधिमा बैंकले १ खर्ब ९९ अर्ब ४८ करोड रुपैयाँ निक्षेप संकलन गरी १ खर्ब ७१ अर्ब ६९ करोड रुपैयाँ कर्जा प्रवाह गरेको छ। जसबाट बैंकले ८ अर्ब ८ करोड रुपैयाँ खुद ब्याज आम्दानी गरेको छ। बैंकले ४ अर्ब ५४ करोड रुपैयाँ सञ्चालन नाफा गरेको छ।

गत आवको चौथो त्रैमाससम्म बैंकको खराब कर्जा अनुपात बढेर २.४८ प्रतिशत पुगेको छ। अघिल्लो आवमा यस्तो अनुपात २.०९ प्रतिशत थियो बैंकको प्रतिसेयर आम्दानी २० रुपैयाँ ६२ पैसा, प्रतिसेयर नेटवर्थ २ सय ११ रुपैयाँ ०६ पैसा, बेसरेट १०.०६ प्रतिशत, स्प्रेडरेट ३.९४ प्रतिशत र सिडी रेसियो ८१.७३ प्रतिशत छ।

प्रकाशित मिति: शनिबार, साउन २०, २०८० १२:००

प्रतिक्रिया दिनुहोस्