सामाजिक सद्भाव बिग्रिने अभिव्यक्ति नदिन वीरगन्ज उद्योग वाणिज्य संघको दुर्गा प्रसाईलाई चेतावनी

उद्योग

गृहपृष्ठ
उद्योग

सामाजिक सद्भाव बिग्रिने अभिव्यक्ति नदिन वीरगन्ज उद्योग वाणिज्य संघको दुर्गा प्रसाईलाई चेतावनी

क्यापिटल नेपाल शुक्रबार, भदौ १, २०८०

काठमाडौं। वीरगन्ज उद्योग वाणिज्य संघले मेडिकल व्यवसायी दुर्गा प्रसाईंलाई सामाजिक सद्भाव बिग्रिने अभिव्यक्ति नदिन चेतावनी दिएको छ।

प्रसाईंले गत साता एक अन्तरवार्तामा ‘मारवाडी समुदायले अर्थतन्त्र तहस नहस तुल्याएको’ लगायतका अभिव्यक्ति दिएका थिए। उक्त अभिव्यक्तिप्रति संघले प्रसाईलाई चेतावनी दिएको हो।

‘नेपालको औद्योगिकीकरण इतिहासमा अग्रभागमा रहेका तथा उद्योग व्यापारमार्फत देशको अर्थतन्त्र, रोजगारी सिर्जना गर्नेदेखि सामाजिक, सांस्कृतिक, उद्योग विकासमा गरेको भूमिकालाई कदर गर्नुपर्नेमा त्यसको विपरीत एक व्यवसायी भएर अर्का व्यवसायी समूहप्रति लक्षित गरी यस्ता अभिव्यक्ति दिने कार्य निन्दनीय छ’ संघद्वारा जारी विज्ञप्तिमा छ।

संघले कुनै व्यक्ति, जात, समूह, समुदाय र सम्प्रदायप्रति लक्षित गरी नकारात्मक र गैरजिम्मेवारपूर्ण अभिव्यक्ति दिने छुट नभएको जनाएको छ।

‘एउटै विषय एउटै कुरा पटक–पटक विभिन्न सञ्चारमाध्यममार्फत प्रस्तुत गर्ने र मारवाडीले सबै सक्यो भन्ने अर्थहीन कुरा गरेर सामाजिक सद्भावलाई विथोल्न खाज्ने व्यापारी दुर्गा प्रसाईंलाई यसै विज्ञप्तिमार्फत सचेत गराउन चाहन्छौं,’ संघको विज्ञप्तिमा छ।

368561805_592972112988000_899207646389950935_n1692364313.jpg