‘योजनाकार’ सँग परामर्श लिएर नयाँ सहर बनाइने, आवेदन दिने म्याद १५ दिन

पूर्वाधार

गृहपृष्ठ
पूर्वाधार

‘योजनाकार’ सँग परामर्श लिएर नयाँ सहर बनाइने, आवेदन दिने म्याद १५ दिन

क्यापिटल नेपाल आइतबार, भदौ ३१, २०८०

काठमाडौं। सहरी विकास मन्त्रालयले नयाँ सहर आयोजनाका लागि ‘आर्किटेक्ट’ (सहरी योजनाकार)सँग परामर्श लिएर काम गर्ने भएको छ।

मन्त्रालय अन्तर्गतको सहरी विकास तथा भवन निर्माण विभागको ‘नयाँ सहर आयोजना समन्वय कार्यालय’ले आइतबार एक सूचना जारी गर्दै आर्किटेक्ट इन्जिनियरको सुझाव लिएर सहर बनाउने तयारी पारेको जनाएको हो।

सोहीअनुसार ‘सहरी योजनाकार’ पदमा आयोजना कार्यालयले मान्छे राख्ने जनाएको छ। मान्यताप्राप्त विश्वविद्यालयबाट कम्तिमा वास्तुकला शास्त्रमा ब्याचलर डिग्री तथा रिजनल/अर्बन प्लानिङ, अर्बन डिजाइन एण्ड कन्जरभेसन वा सो सरहको विषयमा मास्टर्स डिग्री हासिल गरेको हुनुपर्ने जनाएको छ। साथै ३ वर्षको कार्यान्वयन भएकोसमेत कार्यालयले जनाएको छ।

योग्यता पुगेका इच्छुकले व्यक्तिले सूचना प्रकाशन भएको मितिले १५ दिनभित्र प्राविधिक तथा आर्थिक प्रस्ताव पेश गर्नुपर्नेछ। सरकारले विभिन्न १० स्थानमा नयाँ सहर बनाउनका लागि विज्ञ राख्न लागेको जनाएको छ।

377505285_340923211697067_7240425801898274825_n1694955520.png