नेपाली बजारमा भित्रिने भयो ‘हाइगर’ ब्रान्डका इभी

अटो

गृहपृष्ठ
अटो

नेपाली बजारमा भित्रिने भयो ‘हाइगर’ ब्रान्डका इभी

क्यापिटल नेपाल शुक्रबार, असोज २६, २०८०

काठमाडौं। नेपाली बजारमा ‘हाइगर’ ब्राण्डका इभी भित्रिने भएको छ। शशिला मोटर्स् प्रालीले विश्व प्रशिद्ध हाइगर ब्राण्डको कमर्सियल विद्युतीय गाडी नेपाल भित्र्याउन लागेको हो।

शुक्रबार चिनियाँ बस उत्पादक कम्पनी हाइगर बस कम्पनी लिमिटेड र शशिला मोटर्स् प्रालीबीच सम्झौता भएको हो।

हाइगर बस कम्पनी लिमिटेडले बिश्वका १ सय ३० भन्दा धेरै देशहरुमा आफ्नो उपस्थिती जनाइसकेको छ।
हाइगर ‘चाइनिज फेमस ट्रेडमार्क’ र ‘चाइनिज फेमस ब्राण्ड’ को उपाधि प्राप्त गर्न सफल बहुचर्चित तथा सुप्रसिद्ध ब्राण्ड हो।

पहिलो चरणमा कम्पनीले १६ सिट क्षमताका इभी मिनि भ्यान र मिनिबस बजारमा ल्याउन लागेको कम्पनीका प्रवन्ध निर्देशक सन्तोष खतिवडाले जानकारी दिए।

हाइगरको १६ सिट क्षमताको इभी भ्यानले सिङ्गल चार्जमा २५० किलोमिटर रेन्ज दिने कम्पनीले जनाएको छ। यसमा कटिङ्ग एज प्रविधियुक्त ७० किलोवाट आवर ब्याट्री लिथियम आयन ब्याट्री प्याक दिइएको छ।

त्यस्तै, यसमा कोलिजन अभोइडेन्स् सिस्टम, लेन डिपार्चर वार्निङ्ग तथा एअर ब्याग सिस्टमहरु सहितको सुरक्षाका विशेषता रहेको छ।

यात्रुको सुविधाका लागि यसमा एअर कण्डिसन सहित सुन्दर आन्तरिक सजावट छ भने नेपालको बाटो सुहाउँदो २०० एमएम उचाई ग्राउण्ड क्लियरेन्स रहेको कम्पनीले जनाएको छ। त्यसैगरी यसले ९० किलोवाट पावर र ३५० एनएम टर्क जेनेरेट गर्छ।

प्रकाशित मिति: शुक्रबार, असोज २६, २०८० १८:०२

प्रतिक्रिया दिनुहोस्