बैंकहरुलाई राष्ट्र बैंकको दसैं उपहार, वित्तीय विवरण प्रकाशित गर्ने समय १० दिन थप

बैंकिङ

गृहपृष्ठ
बैंकिङ

बैंकहरुलाई राष्ट्र बैंकको दसैं उपहार, वित्तीय विवरण प्रकाशित गर्ने समय १० दिन थप

क्यापिटल नेपालसोमबार, असोज २९, २०८०

काठमाडौं। नेपाल राष्ट्र बैंकले बैंक तथा वित्तीय संस्थाहरुलाई दसैं उपहार स्वरुप वित्तीय विवरण प्रकाशित गर्ने समय थप गरिदिएको छ।

केन्द्रीय बैंकले एक परिपत्र जारी गर्दै चालु आर्थिक वर्षको पहिलो त्रैमासको वित्तीय विवरण प्रकाशित गर्ने समय १० दिन थप गरेको हो।

राष्ट्र बैंकको प्रावधानअनुसार बैंक तथा वित्तीय संस्थाले हरेक त्रैमास समास्त भएको ७ दिनभित्र उक्त त्रैमासको वित्तीय विवरण राष्ट्रियस्तरको पत्रिकामा सार्वजनिक गरी राष्ट्र बैंकमा पेश गर्नुपर्छ।

तर, यस पटक कात्तिकको पहिलो साता दसैं बिदा परेको हुँदा राष्ट्र बैंकले कात्तिक १७ गतेसम्म वित्तीय विवरण प्रकाशित गर्ने समय दिएको हो।

साथै, त्रैमास सकिएको ७ दिनभित्र अन्तरिम वित्तीय प्रतिवेदन तोकिएको ढाँचामा राष्ट्र बैंकमा पेश गर्नुपर्ने समय पनि १७ कात्तिक २०८० सम्म समयावधि थप भएको हो।