नेप्से ११.२२ अंकले बढ्यो, ९९ करोडको कारोबार

सेयर

गृहपृष्ठ
सेयर

नेप्से ११.२२ अंकले बढ्यो, ९९ करोडको कारोबार

क्यापिटल नेपाल मंगलबार, कात्तिक २१, २०८०

काठमाडौं। मंगलबार सेयर बजार सूचक नेपाल स्टक एक्सचेन्ज (नेप्से) ११.२२ अंकले बढेको छ।

अघिल्लो दिन सोमबार दोहोरो अंकले बढेको नेप्से मंगलबार पनि ११.२२ अंकले बढेर १ हजार ८ सय ५८.७६ बिन्दु कायम भएको छ।

सोमबार भने नेप्से २१.३० अंकले बढेर १ हजार ८ सय ४७.५४ अंक कायम भएको थियो। सोमबारको तुलनामा मंगलबार कारोबार रकम पनि बढेको छ।

आज कुल ९९ करोड ६५ लाख रुपैयाँबराबरको कारोबार भएको छ। सोमबार भने ९३ करोड ८९ लाखबराबर कारोबार भएको थियो।

आज कारोबार भएकामध्ये १ सय ४४ कम्पनीको सेयर मूल्य बढेको छ भने ८४ कम्पनीको घटेको छ। यस्तै १२ कम्पनीको सेयर मूल्य भने स्थिर छ।

मंगलबार लक्ष्मी लघुवित्त वित्तीय संस्थाको सेयर मूल्य सर्वाधिक ८.१६ प्रतिशतले बढेको छ। यस्तै स्वाभिमान लघुवित्त वित्तीय संस्थाका लगानीकर्ताले सर्वाधिक गुमाएका छन्। यसको सेयर मूल्य ८.२६ प्रतिशतले घटेको छ।

प्रकाशित मिति: मंगलबार, कात्तिक २१, २०८० १५:२३

प्रतिक्रिया दिनुहोस्