१२ करोडमा तयार भयो नलिनचोकमा हेलिपोर्ट, २७ हेलिकोप्टर राख्न मिल्ने

पूर्वाधार

गृहपृष्ठ
पूर्वाधार

१२ करोडमा तयार भयो नलिनचोकमा हेलिपोर्ट, २७ हेलिकोप्टर राख्न मिल्ने

क्यापिटल नेपालमंगलबार, मंसिर २६, २०८०

काठमाडौं। करिब १२ करोड रुपैयाँ लगानीमा नेपाल नागरिक उड्डयन प्राधिकरणले भक्तपुरको नलिनचोकमा हेलिपोर्ट निर्माण सम्पन्न गरेको छ।

त्रिभुवन अन्तर्राष्ट्रिय विमानस्थलबाट हेलिकोप्टरलाई विस्थापन गरी नलिनचोकबाट उडान र अवतरण गराउने उद्धेश्यले प्राधिकरणले ११ करोड ९० लाखमा नयाँ हेलिपोर्ट तयार पारेको हो।

प्राधिकरणका प्रवक्ता जगनाथ निरौलाले निर्माण सम्पन्न भएको हेलिपोर्टमा परिक्षण उडान समेत गरेको जानकारी दिए। काठमाडौंमा रहेको विमानस्थल विस्तारको काम भइरहेकोले अवको केहि महिनापछि सबै हेलिकोप्टरलाई नलिनचोकमा पठाउने प्राधिकरणको तयारी रहेको छ।

हेलिपोर्टमा एकसाथ २७ वटा हेलिकोप्टर राख्न सकिन्छ। हेलिपोर्टमा माउन्टेन एयरको एएस–३५० हेलिकोप्टरमार्फत डेमो उडान गरेको थियो। काठमाडौंबाट नलिन्चोक हेलिपोर्ट ६.२ नटिकल माइल टाढा छ।

प्रकाशित मिति: मंगलबार, मंसिर २६, २०८० १५:४९

प्रतिक्रिया दिनुहोस्