पुनर्बिमा कम्पनीको चुक्तापुँजी २० अर्ब बनाउने प्राधिकरणको निर्णय

बैंकिङ

गृहपृष्ठ
बैंकिङ

पुनर्बिमा कम्पनीको चुक्तापुँजी २० अर्ब बनाउने प्राधिकरणको निर्णय

क्यापिटल नेपाल बुधबार, माघ १७, २०८०

काठमाडौं। नेपाल बिमा प्राधिकरणले पुनर्बिमा कम्पनीको न्यूनतम चुक्तापुँजी २० अर्ब पुर्याउने निर्णय गरेको छ।

प्राधिकरणको बुधबार बसेको सञ्चालक समितिको बैठकले पुनर्बिमा कम्पनीको चुक्तापुँजी सिमा बढाएर २० अर्ब पुर्याउने निर्णय गरेको हो।

प्राधिकरणले पुँजी बढाउने योजना पेस गर्न १५ दिनको समय उपलब्ध गराएको छ भने तोकिएको पुँजी एक वर्षभित्र पुर्याउनुपर्नेछ। यसअघि अन्य बिमा कम्पनीको न्यूनतम चुक्तापुँजी बढाएको प्राधिकरणले पुनर्बिमा कम्पनीको चुक्तापुँजी पनि बढाएको हो।

यसअघि पुनर्बिमा कम्पनीको चुक्तापुँजी १० अर्ब रुपैयाँ तोकिएको थियो। हाल नेपालमा नेपाल पुनर्बीमा कम्पनी र हिमालयन रिइन्स्योरेन्स कम्पनी गरी दुई वटा पुनर्बीमा कम्पनी सञ्चालनमा छन्।

नेपाल पुनर्बीमा कम्पनीको चुक्ता पूँजी १२ अर्ब ८१ करोड रुपैयाँ रहेको छ भने हिमालयन रिइन्स्योरेन्स कम्पनीको चुक्तापुँजी १० अर्ब रहेको छ।

नेपाल पुनर्बीमा कम्पनीले २०७६ मा १६ प्रतिशत सेयर सर्वसाधारणलाई जारी नेप्सेमा सूचीकृत भएको थियो भने हिमालयन रिइन्स्योरेन्स हालै मात्र साधराण सेयर जारी गरी नेप्सेमा सूचीकृत भएको छ।

हिमालयन रिले प्रतिसेयर १०० रुपैयाँ अंकित मूल्यमा १०६ रुपैयाँ प्रिमियम सहित २ सय ६ रुपैयाँ प्रतिकित्तामा ३ करोड कित्ता साधारण सेयर जारी गरेको थियो। अब यी कम्पनीले एक वर्षभित्र आफ्नो पुँजी ३० अर्ब पुर्याउनुपर्नेछ।

प्रकाशित मिति: बुधबार, माघ १७, २०८० १६:२०

प्रतिक्रिया दिनुहोस्