अर्थतन्त्रका बहुसूचक सकारात्मकः मन्त्री महत

अर्थतन्त्र

गृहपृष्ठ
अर्थतन्त्र

अर्थतन्त्रका बहुसूचक सकारात्मकः मन्त्री महत

क्यापिटल नेपालसोमबार, माघ २९, २०८०

काठमाडौं। अर्थमन्त्री डा. प्रकाशशरण महतले अर्थतन्त्रका अधिकांश सूचक सकारात्मक रहेकाले चिन्ता गरिहाल्नुपर्ने अवस्था नभएको बताएका छन्।आज चालू आर्थिक वर्षको बजेट अर्धवार्षिक समीक्षा सार्वजनिक गर्दै अर्थमन्त्री महतले यस्तो बताएका हुन्।

‘अर्थतन्त्रका अधिकांश सूचक सकारात्मक हुँदै गएका छन्। मूल्यवृद्धि पनि लक्षित सीमाभित्र रहेको छ। तरलतामा पनि सुधार हुँदै गएकाले उपभोक्तालाई केही राहत हुने अपेक्षा छ’, उनले भने।

ब्याजदर घट्दै गए पनि पहिला सेयर र घरजग्गामा लगानी गर्न ऋण लिएका व्यक्तिमा समस्या देखिएका कारण अहिले ऋण लिन उत्साहित नदेखिएको उनको बुझाइ छ। तर, पछिल्लो समय ब्याजदर घट्दै गएकाले कर्जा लिनेहरु पनि बढ्ने अपेक्षा गरिएको उनले बताए।

प्रकाशित मिति: सोमबार, माघ २९, २०८० १६:५८

प्रतिक्रिया दिनुहोस्