रोयल्टी र आरटीडिएफ रकम बुझाउन प्राधिकरणको ताकेता, ९० सेवाप्रदायकलाई काट्यो पत्र

प्रविधि

गृहपृष्ठ
प्रविधि

रोयल्टी र आरटीडिएफ रकम बुझाउन प्राधिकरणको ताकेता, ९० सेवाप्रदायकलाई काट्यो पत्र

क्यापिटल नेपाल मंगलबार, फागुन १, २०८०

काठमाडौं। नेपाल दूरसञ्चार प्राधिकरणले ९० सेवाप्रदायक कम्पनीलाई रोयल्टी तथा ग्रामीण दूरसञ्चार विकास कोष (आरटीडिएफ)को रकम बुझाउन ताकेता गरेको छ।

प्राधिकरणले आर्थिक वर्ष २०७९/८० को अडीटेड वित्तीय विवरणअनुसार बुझाउनुपर्ने कुल आम्दानीको ४ प्रतिशतले हुने रोयल्टीबापत रकम र २ प्रतिशतले हुने आरटीडिएफको रकम यसअघि पनि बुझाउन ताकेता गरेको हो। मंगलबार फेरि प्राधिकरणले रकम नबुझाएका सेवाप्रदायकलाई बुझाउन पत्र लेखेको छ।

यसअघि २०८० पुस मसान्तभित्र बुझाउन पत्राचार गरेकामा हालसम्म सो रकम दाखिला नभएको भन्दै प्राधिकरणले फागुन मसान्तभित्र नियमअनुसार लाग्ने दुई महिनाको थप दस्तुरसहित रोयल्टीबापतको रकम बुझाउन भनेको छ।

रोयल्टीबापतको रकम सञ्चार तथा सूचना प्रविधि मन्त्रालयको राजस्व खातामा र ग्रामीण दूरसञ्चार विकास कोष वापतको रकम प्राधिकरणको खातामा बुझाउनुपर्ने प्राधिकरणको भनाइ छ।

सञ्चार मन्त्रालयमा बुझाएको रोयल्टी रकमको भौचर र प्राधिकरणको खातामा बुझाएको रकमको भौचर तथा अडिटेड वित्तीय विवरणसहित अनिवार्य रुपमा दर्ता गर्नसमेत प्राधिकरणले निर्देशन दिएको छ।

प्रकाशित मिति: मंगलबार, फागुन १, २०८० १८:२०

प्रतिक्रिया दिनुहोस्