बियरको अन्त:शुल्क करमा गिरावट

अर्थतन्त्र

गृहपृष्ठ
अर्थतन्त्र

बियरको अन्त:शुल्क करमा गिरावट

क्यापिटल नेपाल शुक्रबार, फागुन १८, २०८०

काठमाडौं। सरकारले बियरमार्फत संकलन गर्दै आएको अन्त:शुल्क करमा गिरावट आएको छ। चालू आर्थिक वर्ष २०८०/८१को पहिलो ७ महिनाको तथ्यांकअनुसार बियरमार्फत संकलन गरिँदै आएको अन्त:शुल्क करमा १५.०५ प्रतिशतले गिरावट आएको हो।

चालू आवको ७ महिनामा बियरबापतको अन्त:शुल्क कर १४ अर्ब ३९ करोड रुपैयाँ संकलन गरिएको आन्तरिक राजस्व विभागले जानकारी दिएको छ। गत आर्थिक वर्षको सोही अवधिमा १६ अर्ब ९३ करोड रुपैयाँ अन्त:शुल्क कर बियरबापत संकलन गरिएको थियो। मदिरा, सुर्तीलगायत विलासिताका वस्तुमा सरकारले अन्त:शुल्क कर लगाउँलै आएको छ। त्यसमा बियरको मात्रै २५ प्रतिशतभन्दा बढी याोगदान रहँदै आएको छ।

बियरको अन्त:शुल्क घटेपछि त्यसको असर समग्र अन्त:शुल्कमा देखिएको छ। गत वर्ष समग्र अन्त:शुल्क कर ५५ अर्ब ८५ करोड ५३ लाख रुपैयाँ संकलन गरेको सरकारले अन्तशुल्क कर संकलचालू चालू आवको सोही अवधिमा ५३ अर्ब ७९ करोड २२ लाख रुपैयाँ संकलन गरेको छ।

प्रकाशित मिति: शुक्रबार, फागुन १८, २०८० ०८:५२