दूरसञ्चार प्राधिकरण अध्यक्ष नियुक्तिविरुद्धको रिटमा अन्तरिम आदेश अस्वीकार

प्रविधि

गृहपृष्ठ
प्रविधि

दूरसञ्चार प्राधिकरण अध्यक्ष नियुक्तिविरुद्धको रिटमा अन्तरिम आदेश अस्वीकार

क्यापिटल नेपाल बिहीबार, फागुन २४, २०८०

काठमाडौं। नेपाल दूरसञ्चार प्राधिकरण अध्यक्ष नियुक्तिविरुद्धको रिटमा पाटन उच्च अदालतले अन्तरिम आदेश दिन अस्वीकार गरेको छ। रिटमा उच्च अदालत पाटनले बिहीबार अन्तरिम आदेश दिन अस्वीकार गरेको हो।

प्राधिकरण अध्यक्षमा भूपेन्द्र भण्डारी नियुक्त भएसँगै मन्त्रिपरिषद् र सञ्चार तथा सूचना प्रविधि मन्त्रालयको निर्णयविरुद्ध उच्च अदालत पाटनमा रिट दायर गरिएको थियो।

सञ्चार तथा सूचना प्रविधि मन्त्रालयले माघ १४ मा अध्यक्ष पदका लागि आवेदन खुलाएको थियो। त्यसमा २५ जनाले आवेदन दिएका थिए।

त्यसपछि सरकारले सञ्चार तथा सूचना प्रविधि मन्त्री शर्माका सूचना प्रविधि सल्लाहकारसमेत रहेका भण्डारीलाई अध्यक्षमा नियुक्त गरेको थियो।

फागुन ६ को मन्त्रिपरिषद् बैठकले भण्डारीलाई अध्यक्षमा नियुक्त गर्ने निर्णय गरेसँगै अधिवक्ता अनन्तराज लुइँटेल, प्रतिभा उप्रेती र विशाल थापाले नियुक्तिका क्रममा माग गरिएको दरखास्त आह्वान दूरसञ्चार ऐन विपरीत भएको भन्दै माघ १७ मा रिट दायर गरेका थिए।

रिटमा मन्त्रिपरिषद्, प्रधानमन्त्री तथा मन्त्रिपरिषद् कार्यालय, सञ्चार तथा सूचना प्रविधि मन्त्रालय र दूरसञ्चार प्राधिकरणलाई विपक्षी बनाइएको छ।

प्रकाशित मिति: बिहीबार, फागुन २४, २०८० १७:३६

प्रतिक्रिया दिनुहोस्