पुँजीगत खर्च बढाउन सरकारले समय तालिका बनाउनुपर्छ : चेम्बर अध्यक्ष मल्ल

उद्योग

गृहपृष्ठ
उद्योग

पुँजीगत खर्च बढाउन सरकारले समय तालिका बनाउनुपर्छ : चेम्बर अध्यक्ष मल्ल

क्यापिटल नेपाल आइतबार, फागुन २७, २०८०

काठमाडौं। नेपाल चेम्बर अफ कमर्सका अध्यक्ष राजेन्द्र मल्लले पुँजीगत खर्च वृद्धिका लागि समय तालिका बनाउनुपर्ने बताएका छन्। बजेट चालू खर्चमै सकिने तर पुँजीगत खर्चको सानो अंश पनि खर्च नहुँदा विकास र आर्थिक समृद्धि हासिल हुन नसकेको अध्यक्ष मल्लले बताए।

नेपाल तयारी पोसाक संघको वार्षिक साधारणसभामा अध्यक्ष मल्लले भने, ‘चालू आर्थिक वर्षको ८ महिनामा पुँजीगत खर्च २५ प्रतिशतमा सीमित छ, सरकारले गर्ने खर्चको कछुवागतिले आर्थिक गतिविधि अपेक्षित रुपमा बढ्न सकेको छैन, त्यसैले पुँजीगत खर्च समयमै सम्पन्न गर्नका लागि पूर्वाधार विकास आयोजनामा समयमै सम्पन्न गर्नेगरी समयतालिका निर्धारण गर्न आवश्यक छ।’

सरकारले पु“जीगत खर्च समयमै गर्न नसक्दा अर्थतन्त्रका अन्य क्षेत्रमा पनि गम्भीर असर परेको अध्यक्ष मल्लको भनाइ छ। सरकारले आगामी आर्थिक वर्षमा खर्च क्षमता अनुसारको विकास आयोजना छनोट गर्नुपर्ने उनको भनाइ छ। अध्यक्ष मल्लले आगामी बजेट रोजगारी सिर्जना, उत्पादन वृद्धिमार्फत निर्यात प्रर्वद्धन, एवं औद्योगिक क्षमता विस्तार गर्ने खालको ल्याउनुपर्नेमा पनि जोड दिए।

प्रकाशित मिति: आइतबार, फागुन २७, २०८० १६:३८

प्रतिक्रिया दिनुहोस्