नेपालमा विद्युतीय गाडी उत्पादन गर्न सिमेन गोल्ड ड्रागनको ३ अर्ब लगानी सम्झौता

अर्थतन्त्र

गृहपृष्ठ
अर्थतन्त्र

नेपालमा विद्युतीय गाडी उत्पादन गर्न सिमेन गोल्ड ड्रागनको ३ अर्ब लगानी सम्झौता वार्षिक ५००० थान उत्पादन

क्यापिटल नेपाल सोमबार, वैशाख १७, २०८१

काठमाडौं। चिनियाँ कम्पनी सिएन गोल्ड ड्रागन अटोबडीले नेपालमा विद्युतीय गाडी उत्पादनका लागि ३ अर्ब रुपैयाँ वैदेशिक लगानी सम्झौता गरेको छ।

कम्पनीले लगानी सम्मेलन अवसर पारेर नेपालको कोसी एनके मोटर्ससँगको सहकार्यमा वार्षिक ५००० थान बढी बिजुली गाडी उत्पादन गर्ने योजना सार्वजनिक गरेको हो।

कम्पनीले सुरुमा व्यावसायिक प्रयोजनमा प्रयोग हुने चारपांग्रे सवारीसाधन उत्पादनमा जोड दिने जनाइएको छ। कोसी एनके मोटर्सका अध्यक्ष टीकाराम पुरीका अनुसार यही वर्षबाटै गाडी उत्पादन सुरु गर्ने योजना छ।

‘हामीले पहिलोपटक मुलुकमै विद्युतीय गाडी उत्पादन गर्न लागेका हौं। गाडी उत्पादनका लागि प्रविधि, उपकरण सबै चिनियाँ हुनेछन्। गाडी नेपाली ब्रान्डमै बिक्री गरिनेछ,’ उनले भने।

कम्पनीले प्लान्टका लागि विराटनगरको बूढीगंगामा १५ बिघा जग्गा लिइसकेको उनले जानकारी दिए। कम्पनीले १४, १८ र १२ सिटे क्षमताका कमर्सियल गाडी उत्पादन गर्नेछ। पुरी निजी विद्यालयको छाता संगठनका पूर्वअध्यक्षसमेत हुन्।

प्रकाशित मिति: सोमबार, वैशाख १७, २०८१ १५:५९

प्रतिक्रिया दिनुहोस्