कृषि व्यवसायका लागि ब्याज अनुदान र मेसिन निर्यातमा कर छुट

अर्थतन्त्र

गृहपृष्ठ
अर्थतन्त्र

कृषि व्यवसायका लागि ब्याज अनुदान र मेसिन निर्यातमा कर छुट

क्यापिटल नेपालमंगलबार, जेठ १५, २०८१

काठमाडौं । सरकारले व्यवसायीक कृषि गर्नेका लागि ब्याज अनुदान, कर छुट तथा बीमा प्रिमियममा छुट दिने घोषण गरेको छ। अर्थमनत्री वर्षमान पुनले आर्थिक वर्षको २०८१/८२ सार्वजनिक गर्दै उक्त घोषणा गरेका हुन्।

कृषि क्षेत्रको विकास र व्यवसायीक कृषिलाई प्रवर्द्धन गर्न प्रोत्साहन नीति स्वरुप सरकारले कृषि क्षेत्रलाई बजेटले प्राथमिकतामा राखेको मन्त्री पुनले बताए।

‘कृषि उपजको विषेश क्षेत्र पहिचान गरी उत्पादन प्रवर्द्धन गरिने छ। कृषि उपजको उचित मूल्य र बजार सुनिश्चित गरिनेछ। सरकार, किसान र व्यवसायी सहभागी हुने गरी करार खेती प्रवर्द्धन गरिनेछ। कृषि उपज संकलन, प्रसोधन र निर्यात गर्ने फर्मले स्थानीय किासानलाई आवश्यक पर्ने मल बिउ र अन्य सामान उपलब्ध गराउँने र कृषि उपज खरिद गर्ने सुनिश्चित गरेमा उत्पादित उपजको परिमाणको आधारमा कल, बिउ, कृषि सेवामा ब्याज अनुदान प्रदान गरिनेछ।’

आर्थिक वर्ष २०८१/८२ को बजेटमा सामूहिक खेतीलाई प्रोत्साहन गर्न सरकारी जग्गा भाडामा दिने व्यवस्था मिलाइने उल्लेख छ। हिमाल र पहाडमा ५० रोपनी र तराइमा १० विघाभन्दा बढी जमिन एकिकरण र चक्लाबन्दी गरी व्यवसायीक रूपमा सामूहिक खेती तथा पशु पालन गर्ने व्यक्ति फर्म तथा सहकारीलाई ब्याज अनुदान, प्राविधिक सहयोग र मेसिनरी आयातमा कर छुट गरिएको पुनले बताए।

एक सयभन्दा ठूला चक्लामा बास्नादार धानखेती गर्ने ७ नमुना प्ररियोजनाका लागि सहज रूपमा मल बिउ, प्राविधिक सेवा तथा सहुलियत पूर्णकर्जा उपलब्ध गराउँने र बीमा प्रिमियममा छुट दिने घोषण पुनले गरेका छन्।

प्रकाशित मिति: मंगलबार, जेठ १५, २०८१ १५:५४

प्रतिक्रिया दिनुहोस्