पूर्वप्रधानमन्त्री बाबुराम भट्टराईं भन्छन्- खिचडी सरकार खिचडी बजेट

अर्थतन्त्र

गृहपृष्ठ
अर्थतन्त्र

पूर्वप्रधानमन्त्री बाबुराम भट्टराईं भन्छन्- खिचडी सरकार खिचडी बजेट

क्यापिटल नेपालमंगलबार, जेठ १५, २०८१

काठमाडौं । पूर्वप्रधानमन्त्री बाबुराम भट्टराईले नयाँ बजेटमा कुनै नयाँ कुरा नभेटिएको टिप्पणी गरेका छन्। अर्थमन्त्री वर्षमान पुनले संसद्को संयुक्त बैठकमा प्रस्तुत बजेटमाथि टिप्पणी गर्दै उनले नयाँ बजेट विगतकै निरन्तरताको अर्को रूप भएको बताए।

बजेटले उत्पादनमा वृद्धि, लाखौँ रोजगारीको सिर्जना, शिक्षाको गुणस्तरमा वृद्धिमा क्रमभंग गर्न नसकेको बताएका छन्। ‘समग्र अर्थतन्त्रमा संरचनागत सुधार गरी क्रमभंग गर्ने बजेट आउन सकेन। सरसर्ती हेर्दा बजेट विगतकै निरन्तरताको नयाँ श्रृंखला जस्तै छ। मुलुकलाई समृद्धिको दिशामा अघि बढाउन राष्ट्रिय औद्योगिक पुँजीवादको विकास गर्ने गरी कार्यक्रम ल्याउन सरकार चुक्यो,' उनले भने।

सरकारको संरचनाअनुसार ‘खिचडी’ बजेट आएको भट्टराईको टिप्पणी छ। ‘यो बजेट दक्षिणपन्थी र वामपन्थी मिसिएको पपुलिस्ट कार्यक्रम हो। सरकार जस्तो खिचडी छ, बजेट पनि त्यस्तै आयो,' उनले भने।