बजेट ठिक छ, ऋण अलि बढी भयो : स्वर्णिम वाग्ले

अर्थतन्त्र

गृहपृष्ठ
अर्थतन्त्र

बजेट ठिक छ, ऋण अलि बढी भयो : स्वर्णिम वाग्ले

क्यापिटल नेपालमंगलबार, जेठ १५, २०८१

काठमाडौं । राष्ट्रिय स्वतन्त्र पार्टीका उपाध्यक्ष डा. स्वर्णिम वाग्ले बजेट सन्तुलित रहेको प्रतिक्रिया दिएका छन्। सरकारले आज संघीय संसद्को संयुक्त बैठकमा प्रस्तुत गरेको आगामी आर्थिक वर्ष २०८१/८२ को बजेटमाथि प्रतिक्रिया दिँदै उनले आय र व्ययको अनुमान ठिकै रहेकाले बजेट कार्यान्वयनका लागि पहिलेभन्दा गतिका साथ काम गर्नुपर्ने औंल्याए।

सरकारले खर्च गर्छु भनेका क्षेत्रले रोजगारी सिर्जना गर्छ कि गर्दैन भन्ने मूल प्रश्न रहेको उनको भनाइ थियो । 'अर्थमन्त्रीलाई अलिकति शंकाको लाभ दिन चाहन्छु। पाँच वटा प्राथमिकताका क्षेत्रमा निजी क्षेत्रको पनि सहयोग लिएर काम गर्न सकिएमा आर्थिक उन्नतिका लागि टेवा दिन्छ,' उनले भने । बजेटले प्रक्षेपण गरेजस्तो मात्रामा आन्तरिक ऋण उठाउनु नपर्ला भन्ने अनुमान सरकारले गरेको हुनसक्ने उनको भनाइ छ। उनले ऋण अलि बढी भएको बताएका छन्।

वाग्लेले सिँचाइ र कृषि क्षेत्रका लागि विनियोजित बजेटले यस क्षेत्रको विकासका लागि केही योगदान दिनेमा विश्वास व्यक्त गरे।

सरकारले आगामी वर्ष पर्यटक आगमन १६ लाख पुर्‍याउने, निजगढ अन्तर्राष्ट्रिय विमानस्थल निर्माणको प्रक्रियादेखि विभिन्न पर्यटकीय पदमार्गहरूको विषय बजेटमा समेट्नु सकारात्मक रहेको वाग्लेको प्रतिक्रिया छ।

प्रकाशित मिति: मंगलबार, जेठ १५, २०८१ १९:३३

प्रतिक्रिया दिनुहोस्