२०८३ चैतदेखि फास्ट ट्रयाकमा सरर : रक्षामन्त्री

राजनीति

गृहपृष्ठ
राजनीति

२०८३ चैतदेखि फास्ट ट्रयाकमा सरर : रक्षामन्त्री

क्यापिटल नेपाल आइतबार, असार ९, २०८१

काठमाडौं । काठमाडौं–तराईं फास्ट ट्रयाकमा २०८३ चैतभित्रै गाडी सरर गुड्ने रक्षामन्त्री हरिप्रसाद उप्रेतीले बताएका छन्।

प्रतिनिधिसभा बैठकमा रक्षामन्त्रालयको बजेटमाथिका सुझावमा जवाफ दिँदै उप्रेतीले २०८३ चैतभित्र फास्ट ट्रयाकमा गाडी गुड्ने दाबी गरेका हुन्।

सरकारबाट कार्यदिशा अनुसार २०८३ चैतभित्रै सम्पन्न गर्ने कार्ययोजना अनुसार तोकिएको लागत र गुणस्तरमा २०८३ चैतभित्रै फास्ट ट्रयाकमा गाडी गुड्ने उनले बताए। विवाद सिर्जना गरेर यत्ति ठूलो योजनालाई अलपत्र पार्न नहुनेमा समेत उनको जोड छ।

‘यत्ति महत्वपूर्ण योजनामा खोकना प्रस्थान विन्दुमा विवाद सिर्जना भएको छ। खोकनामा विवाद सिर्जना गरेर फर्सीडोलमा जग्गा किन्ने काम भएको छ। सडकमा राज्यको यत्रो लगानी भइसक्यो । ब्याज लाग्छ । अब फर्किन सकिँदैन । सीमित स्वार्थमा यसलाई डुबाउन हुँदैन,' उनले भने।

जहाँबाट प्रस्थानविन्दु मानिएको हो त्यही हुनुपर्ने उनको भनाइ छ।

प्रकाशित मिति: आइतबार, असार ९, २०८१ १५:३५

प्रतिक्रिया दिनुहोस्