पहिरोमा परी त्रिशूलीमा दुई बस खसेको आशंका, करिब ६५ यात्रु बेपत्ता भएको अनुमान

समाज

गृहपृष्ठ
समाज

पहिरोमा परी त्रिशूलीमा दुई बस खसेको आशंका, करिब ६५ यात्रु बेपत्ता भएको अनुमान

क्यापिटल नेपाल शुक्रबार, असार २८, २०८१

चितवन । नारायणगढ–मुग्लिन सडकको सिमलतालमा लेदोसहित खसेको पहिरोमा परी दुई बस त्रिशूली नदीमा खसेको आशंका गरिएको छ।

घटनास्थलमा पुगेका चितवनका प्रमुख जिल्ला अधिकारी इन्द्रदेव यादवका अनुसार आज बिहान करिब साढे तीन बजेतिर वीरगञ्जबाट काठमाडौंतर्फ आइरहेको बागमती प्रदेश १५१६ नम्बरको एन्जल डिलक्स लेखेको बस र काठमाडौंबाट गौरतर्फ जाँदै गरेको नम्बर नखुलेको गणपति डिलक्स लेखेको बस भरतपुर महानगरपालिका वडा नम्बर २९ सिमतालमा पहिरोमा परेका थिए। दुबै बसमा चालकसहित करिब ६५ यात्रु रहेको अनुमान गरिएको उनले जानकारी दिए।

गौर जाँदै गरेको बसमा ४१ र काठमाडौं आउँदै गरेको बसमा २४ जना यात्रु रहेको अनुमान गरिए पनि एकिन विवरण थाहा हुन नसकेको उनले बताए।

प्रकाशित मिति: शुक्रबार, असार २८, २०८१ ०७:३७

प्रतिक्रिया दिनुहोस्