लघुवित्त घटाउन जोड दिएको राष्ट्र बैंकको नयाँ संस्था जन्माउने घोषणा, ब्याजदर र सेवा शुल्क परिमार्जन

बैंकिङ

गृहपृष्ठ
बैंकिङ

लघुवित्त घटाउन जोड दिएको राष्ट्र बैंकको नयाँ संस्था जन्माउने घोषणा, ब्याजदर र सेवा शुल्क परिमार्जन

क्यापिटल नेपालशुक्रबार, साउन ११, २०८१

काठमाडौं । सञ्चालननमा रहेका लघुवित्त वित्तीय संस्था घटाउने नीति लिएको नेपाल राष्ट्र बैंकले नयाँ संस्थाको अवधारण ल्याएको छ। चालू आर्थिक वर्षको मौद्रिक नीतिमार्फत केन्द्री बैंकले लघुवित्त संस्थालाई मर्जरमा प्रोत्साहन गरिने भन्दै विषेश प्रकारको संस्थाको अवधारण ल्याएको हो।

जारी मौद्रिक नीतिमा भनिएको छ, ‘लघुवित्त वित्तीय संस्था तथा तीनका शाखाबीच मर्जर तथा प्राप्तिलाई प्रोत्साहित गरिनेछ।’ कुनै निश्चित प्रदेश वा क्षेत्र कार्यक्षेत्र सीमित राखी कार्य गर्ने लघुवित्त वित्तीय संस्थालाई प्रोत्साहन गर्न थप व्यवस्था मिलाइनेछ मौद्रिक नीतिमा उल्लेख छ।

केन्द्रीय बैंकले हाल सञ्चालनमा रहेका ५६ वटालाई मर्जरमा प्रोत्साहन गरेपछि प्रदेश वा क्षेत्रगत रुपमा निश्चित कार्यक्षेत्र निर्धारण गरि स्थापना हुने संस्था हुन प्रोत्साहन गर्न लागेको हो।

यसैगरी नयाँ मौद्रिक नीतिमार्फत राष्ट्र बैंकले लघुवित्त वित्तीय संस्थाको सेवासम्बन्धमा रहेका गुनासाको सम्बोधन गर्दै ग्राहक हित संरक्षण गर्न अन्तर्राष्ट्रिय असल अभ्याससमेतका आधारमा ग्राहक हित संरक्षणलाई प्राथमिकतामा राखेर आवश्यक नियामकीय व्यवस्था गर्ने भएको छ।

संस्थाले कर्जामा लिने ब्याजदर तथा सेवा शुल्कसम्बन्धी नियामकीय व्यवस्थामा समसामयिक पुनरावलोकन गरिने घोषण गरेको छ।

राष्ट्र बैंकले परिस्थितिवस ऋण तिर्न नसकेका लघुवित्तका ग्राहकलाई निश्चित प्रतिशत ब्याज भुक्तानी गरी कर्जा पुनर्तालिकीकरण गर्न सक्ने व्यवस्था गर्ने भएको छ। लघुवित्त वित्तीय संस्थामा नेपाल फाइनान्सियल रिपोटिङ सिस्टम (एनएफआरएस) लागू गर्न आवश्यक व्यवस्था गर्ने भएको छ।

प्रकाशित मिति: शुक्रबार, साउन ११, २०८१ १४:११

प्रतिक्रिया दिनुहोस्