इन्फोकम र पर्सा टेलिकम्युनिकेसन्सको अनुमति खारेज

प्रविधि

गृहपृष्ठ
प्रविधि

इन्फोकम र पर्सा टेलिकम्युनिकेसन्सको अनुमति खारेज

क्यापिटल नेपालमंगलबार, साउन २९, २०८१

काठमाडौं। इन्टरनेट सेवाप्रदायक इन्फोकम प्रालि र नेटवर्क सेवाप्रदायक पर्सा टेलिकम्युनिकेसन्सको अनुमतिपत्र खारेज भएको छ। नेपाल दूरसञ्चार प्राधिकरणले तोकिएको समयमा नवीकरण नगरेपछि यी सेवाप्रदायकको अनुमतिपत्र खारेज गरेको हो।

इन्फोकम प्रालि हात्तीसार, काठमाडौंलाई दिइएको इन्टरनेट सेवा (ईमेलसहित) अनुमतिपत्र २०८१ असार १४ गते समाप्त भएको थियो। उक्त कम्पनीले सेवा सञ्चालन गर्न नचाहेको जानकारी गराएपछि दूरसञ्चार ऐन, २०५३ को दफा २५ (१) अनुसार प्राधिकरणले अनुमतिपत्रको अवधि समाप्त भएको घोषणा गरेको हो।

यससँगै नियामकले इन्फोकमलाई २०७९/८० आर्थिक वर्षको अडिटेड वित्तीय विवरणअनुसार ग्रामीण दूरसञ्चार विकास कोष तथा रोयल्टी दस्तुर तिर्न बाँकी रहेको रकम यथाशीघ्र बुझाउन आग्रह गरेको छ।

त्यस्तै, दूरसञ्चार प्राधिकरणबाट पर्सा टेलिकम्युनिकेसन प्रालि, वीरगञ्ज–८ पर्सालाई २०७६ भदौ २२ मा दिइएको नेटवर्क सेवाप्रदायक अनुमतिपत्रको समयावधि मिति २०८१ भदौ २१ सम्म रहेकोमा उसले तोकिएको समयावधिभित्र निवेदन पेस नगरेकाले स्वतः अनुमतिपत्र रद्ध भएको प्राधिकरणले जनाएको छ।

प्रकाशित मिति: मंगलबार, साउन २९, २०८१ ११:५८

प्रतिक्रिया दिनुहोस्