साताको कार्टुन : विष्णु, बुल र बियरको चपेटामा लगानीकर्ता!

सेयर

गृहपृष्ठ
सेयर

साताको कार्टुन : विष्णु, बुल र बियरको चपेटामा लगानीकर्ता!

क्यापिटल नेपाल शुक्रबार, असोज ४, २०८१

२०८१ असार १७ गतेबाट निरन्तर बढेको सेयर बजार सूचक नेपाल स्टक एक्सचेन्ज (नेप्से) साउन ३१ गते ३०००.८१ अंकमा रोकियो। सेयर बजार निरन्तर वृद्धिको अवधिलाई कतिपय लगानीकर्ताले विष्णु बुलसमेत भन्न भ्याए। साउन ३१ गते कारोबार रकम पनि यस अवधिकै उच्च २९ अर्ब ३० करोड ५२ लाख रुपैयाँ बराबरको भयो।

तर, भदौ लागेसँगै सेयर बजार सूचक र कारोबार रकम दुवैमा निरन्तर गिरावट देखिन थाल्यो। परिणाम असोज २ गते नेप्से २५७६.७६ अंकमा खुम्चियो भने कारोबार रकम पनि ५ अर्ब ५४ करोड ४५ लाखमा सिमित भयो।

सेयर बजार निरन्तर बढिरहँदा लगानीकर्ताले ऋण खोजेरसमेत लगानी गरे। तर, घट्न थालेसँगै घर व्यवहार चलाउनसमेत फेरि कठिन हुन थालेको छ। विगतमा उपप्रधान तथा अर्थमन्त्री विष्णुप्रसाद पौडेलको वाहवाही गर्नेहरू अहिले भने धारेहात लगाउन थालेका छन्।

बजार घटाइको तीव्र रफ्तारले कतै घरपरिवारमा झैझगडा निम्त्याउने र कुनै भवितव्य भइहाल्ने त होइन भन्ने आशंका जन्मिन थालेका छन्। त्यसो त, बजार निरन्तर घट्न थालेसँगै असोज २ मा अर्थमन्त्री पौडेलले नेप्से कार्यालय पुगेरै सेयर बजार किन २५०० मा झर्यो सोध्न भ्याएका थिए।

अर्थमन्त्री बनेको ६७औं दिनसम्म पनि पौडेलले सेयर बजारका लागि आवश्यक कुनै कदम चाल्न सकेका छैनन्। यसले गर्दा बजार सूचक अझै घट्ने आशंका जन्मिएका छन्।

प्रकाशित मिति: शुक्रबार, असोज ४, २०८१ १७:०३

प्रतिक्रिया दिनुहोस्