७३ हजार युवालाइ स्वरोजगार बनाउन काेषले खर्चियाे साढे ९ अर्ब लगानी

मुख्य समाचार

गृहपृष्ठ
मुख्य समाचार

७३ हजार युवालाइ स्वरोजगार बनाउन काेषले खर्चियाे साढे ९ अर्ब लगानी

क्यापिटल नेपाल शुक्रबार, माघ ३, २०७६

काठमाडाैं । युवा तथा साना व्यवसायी स्वरोजगार कोषले दश वर्षमा ७२ हजार ६ सय ४३ जनालाई स्वरोजगार बनाएको छ । कोषले २०६६ देखि हालसम्म ९ अर्व ४९ करोड लगानी गरेर करिब ७३ हजार युवालाई स्वरोजागर बनाएको कोषका कार्यकारी निर्देशक डा.विष्णु गौतमले बताए ।

कोषले विहिबार पत्रकार संमेलनमा मार्फत यस्तो जानकारी दिएको हो । वर्तमान सरकार गठन भएयता मात्र कोषले २८ हजार ६ सय ६९ स्वरोजागार सिर्जना गरिको कोषले जनाएको छ ।

त्यस्तै, कोषले एक करोडभन्दा बढी लगानी भएका सहकारीहरु र बैंक तथा वित्तीय संस्थाहरुबाट भाका नाघेको २९ करोड ९० लाख १६ हजार ८ सय ५४ कर्जा असुली गरेको छ ।

कोषसँग कर्जा सम्झौता गरी समयमा किस्ता तथा व्याज नबुझाएका ७ सय ३५ सहकारीहरुलाई ताकेता गरिएको कोषले जनाएको छ । त्यस्तै, सम्झौता अवधि सकिएका १ सय ३७ सहकारीलाई रकम बुझाउन पत्राचार गरिएको छ । कोषको कर्जा नतिरी भाका नाघेका तथा नियमित किस्ता नतिरेका प्रारम्भीक तथा १ करोड भन्दा बढी लगानी भएका १५० वटा सहकारीका २ हजार ७२ जनाको अचल सम्पत्ति रोक्का गर्न मालपोतका पत्राचार गरेको जनाएको छ ।

त्यस्तै ९७ वटा सहकारीको ५ सय ४९ जना पदाधिकारी तथा सहदस्यीहरुको जग्गा रोक्का भएको कोषले जनाएको छ । कोषले पैसा नबुझाउने ३५ जिल्लाका सहकारीहरुलाई रकम बुझाउन ताकेता गरेको छ । कोषमा बुझाउनुपर्ने किस्ता तथा ब्याज नबुझाएका १ सय १ सहकारी पदाधिकारी तथा सदस्यहरुको अचल सम्पत्ति रोक्का गर्न पत्राचार गरिएको ।

४ वटा सहकारीको ५८ जना सहकारी संस्थाका पदाधिकारी तथा सदस्यहरुको रोक्का भएको सुविधा फुकुवा गरिएको कोषले जनाएको छ । कोषले ३ सय ९५ वटा सहकारी संस्थामार्फत १२ हजार ३ सय ८१ जना व्यवसायीलाई १२ करोड ३१ लाख ३१ हजार ८ सय ६१ ब्याज अनुदान दिएको छ ।

प्रकाशित मिति: शुक्रबार, माघ ३, २०७६ १७:४४