नबिल ब्यालेन्सड् फण्ड २ ले मंसिरमा कमायो रू.१४ करोड ५० लाख नाफा

सेयर

गृहपृष्ठ
सेयर

नबिल ब्यालेन्सड् फण्ड २ ले मंसिरमा कमायो रू.१४ करोड ५० लाख नाफा

क्यापिटल नेपाल सोमबार, पुस १५, २०८१

काठमाडौं । नबिल म्युचुअल फण्ड अन्तर्गत सञ्चालित नबिल ब्यालेन्सड् फण्ड २ ले मंसिर मसान्तको खुद सम्पत्ति मूल्य विवरण सार्वजनिक गरेको छ ।

उक्त वित्तीय विवरण अनुसार फण्डले मङ्सिर मसान्तमा रू. १४ करोड ५० लाख नाफा कमाएको छ । यो नाफा कात्तिक मसान्तको तुलनामा भने २० प्रतिशत कमि हो । कात्तिक मसान्तमा फण्डले रू. १८ करोड २५ लाख नाफा कमाएको थियो । मङ्सिरमा फण्डको खर्चमा वृद्धि भएकाले र आम्दानी घटेकाले नाफा घट्न पुगेको हो ।

कात्तिक मसान्तमा फण्डको कुल खर्च रू. ८७ लाख ४९ हजार रहेकोमा मङ्सिर मसान्तमा बढेर रू. १ करोड ६ लाख भन्दा बढी पुगेको छ । फण्डको कुल आम्दानी कात्तिक मसान्तमा रू.१९ करोड १३ लाख रहेकोमा मङ्सिर मसान्तमा रू. १५ करोड ५७ लाखमा झरेको हो ।

नाफासँगै फण्डको प्रतिइकाई खुद सम्पत्ति मूल्य न्याभ पनि कात्तिको तुलनामा मङ्सिरमा घटेको छ । कात्तिक मसान्तमा फण्डको न्याभ ११ रुपैयाँ ६७ पैसा रहेकोमा मङ्सिर मसान्तमा ११ रुपैयाँ ३३ पैसामा सिमित भएको छ ।

फण्डले कात्तिकको तुलनामा मङसिरमा सूचीकृत शेयरमा लगानी घटाएको छ । कात्तिक मसान्तमा फण्डको सूचीकृत शेयरमा लगानी रू. १ अर्ब ४ करोड रहेकोमा मङ्सिर मसानतमा रू. ९६ करोड ३५ लाख मात्रै गरेको हो ।

प्रकाशित मिति: सोमबार, पुस १५, २०८१ १३:२४

प्रतिक्रिया दिनुहोस्