जापानमा बर्डफ्लुको प्रकोप बढ्यो, एकै दिन ५० हजार कुखुरा मारियो

अन्तर्राष्ट्रिय

गृहपृष्ठ
अन्तर्राष्ट्रिय

जापानमा बर्डफ्लुको प्रकोप बढ्यो, एकै दिन ५० हजार कुखुरा मारियो

क्यापिटल नेपालआइतबार, पुस २१, २०८१

काठमाडौं। जापानको उत्तरी इवाते क्षेत्रको एक फार्ममा बर्डफ्लुको प्रकोप फैलिएपछि जापानका अधिकारीले आइतबार ५० हजार कुखुरा नष्ट गरेको छ।

जापानमा बर्डफ्लुको यो १९ औँ प्रकोप भएको कृषि मन्त्रालयले जनाएको छ। पछिल्लो फार्ममा कुखुराको मृत्यु दर बढ्दै गएको र आइतबार गरिएको परीक्षणमा कुकुरामा बर्डफ्लुको संक्रमण पुष्टि भएको मन्त्रालयले जनाएको छ।

इवातेले तीन किलोमिटर (१.८६ माइल)को परिधिभित्र रहेका अन्य दुई फार्ममा राखिएका १७ हजार पंक्षीको आवागमनमा पनि प्रतिबन्ध लगाएको छ। संक्रमित फार्मको १० किलोमिटरभित्र राखिएका करिब ३८ लाख चरा तत्कालका लागि उक्त क्षेत्रबाट बाहिर जानबाट रोकिने छ।

बिहीबार इवातेको अर्को फार्म र मध्य आइची क्षेत्रको एक फार्ममा बर्ड फ्लु भाइरसको संक्रमण देखिएको थियो। यसले ती फार्ममा क्रमशः एक लाख २० हजार र एक लाख लाख ४७ हजार पंक्षीलाई नष्ट गर्नु परेको छ।

डिसेम्बर २९ मा पूर्वी इबाराकीको एक फार्ममा प्रकोप पुष्टि भएको थियो। जसका कारण त्यहाँ १० लाख ८० हजार पंक्षीलाई नष्ट गरिएको थियो।

प्रकाशित मिति: आइतबार, पुस २१, २०८१ १६:३५

प्रतिक्रिया दिनुहोस्