जापानको रोजगार: डिमाण्ड र संख्या तोक्न प्राविधिक समितिको बैठक बस्दै

मुख्य समाचार

गृहपृष्ठ
मुख्य समाचार

जापानको रोजगार: डिमाण्ड र संख्या तोक्न प्राविधिक समितिको बैठक बस्दै

क्यापिटल नेपालबुधबार, माघ १५, २०७६

काठमाडौं । नेपाल र जापानबीच कामदार लैजाने विषयमा भएको दुईपक्षीय श्रम समझदारीमा डिमाण्ड र श्रमिकको संख्या नखुलेपछि पुनः प्राविधिक समितिको बैंठक बस्ने भएको छ ।

जापानबाट नेपालमा डिमाण्ड ल्याउने संरचनाको टुंगो नलाग्दा २०१९ मा पास भएका १७ जना युवाहरु रोजगारीका लागि जान नपाइरहेको बेला श्रम,रोजगार तथा सामाजिक सुरक्षा मन्त्रालयले टेक्निकल कमिटिको बैंठकबाट यी विषयको टुंगो लगाउने तयारी गरिरहेको हो ।

समझदारीकै क्रममा नेपाल र जापानका प्रतिनिधिहरु संलग्न भएको एक टेक्किलन कमिटि बनेको थियो । लामो समयसम्म कमिटिको बैंठक बस्न नसक्दा श्रमिकको संख्या र डिमाण्डको टुंगो लाग्न नसकेको मन्त्रालय स्रोतको भनाइ छ ।

मन्त्रालयका प्रवक्ता समुन घिमिरेले भने नेपालस्थित जापानको राजदुतावास मार्फत टेक्निकल कमिटिको बैठक बस्ने विषयमा समन्वय गरिरहेको जानकारी दिए । बैंठक कहिले बस्ने भन्ने विषयमा टुंगो लाग्न नसकेपनि बैठक बस्ने भन्ने विषयमा भने दुवै देशका अधिकारीहरु सहमत भएको उनको भनाइ छ ।

नेपालबाट पहिलो चरणमा नर्सिङ केयरगिभरमा कामदार लैजाने जापानको तयारी छ । जापानले गतवर्ष विभिन्न १४ क्षेत्रमा विदेशी कामदार ल्याउने घोषणा गरेको थियो ।

२०१९ को अप्रिलबाटै कामदार लैजाने घोषणा गरेको जापानले हालसम्म एक जना पनि कामदार लगेको छैन् । २०१९ मा जम्मा १७ जना जापान जान योग्य भएका छन् ।

प्रकाशित मिति: बुधबार, माघ १५, २०७६ १७:५७

प्रतिक्रिया दिनुहोस्