डढेलोमा परी १० अमेरिकी नागरिकको मृत्यु, थप विवरण आउन बाँकी

अन्तर्राष्ट्रिय

गृहपृष्ठ
अन्तर्राष्ट्रिय

डढेलोमा परी १० अमेरिकी नागरिकको मृत्यु, थप विवरण आउन बाँकी

क्यापिटल नेपालशुक्रबार, पुस २६, २०८१

काठमाडौं। पछिल्लो केही दिनदेखि लागेको डढेलोसँग विश्वको शक्तिशाली देश अमेरिका निरिह बनेको छ। क्यालिफोर्निया राज्यको लस एन्जलसमा फैलिएको भीषण डढेलोमा परी कम्तीमा १० जनाको मृत्यु भएको छ। आगलागीबाट आक्रान्त बनेको लस एन्जलस र वरपरका क्षेत्रमा क्यालिफोर्नियाको नेसनल गार्डका सैनिकलाई परिचालन गर्ने तयारी गरिरहेको अधिकारीले बताएका छन्।

लस एन्जलस काउन्टी मेडिकल एक्जामिनरले बिहीबार अबेर १० जनाको मृत्यु भएको र अमेरिकाको दोस्रो ठूलो शहरको अधिकांश भाग भग्नावशेषमा परिणत भएका जनाएको छ।

आगो निभाउने अभियान रातभर चलिरह्यो। आगो निभाउनका लागि पानी छर्किने हेलिकोप्टरका चालकले हावाको सुस्तताले आगो निभाउने अभियानलाई साथ दिएको बताएका छन्। यद्यपि, नयाँ डढेलो निस्कने क्रम जारी रहेको छ।

गभर्नर गेभिन न्युसमले हजारौँको संख्यामा सेनाका सदस्य र सरकारी कर्मचारी तैनाथ गरिएको बताए। उनले भने, “हामी आगामी दिनमा समुदायको सुरक्षाका लागि नेसनल गार्ड सेवाका सदस्यसहित सबै तैनाथ गरिरहेका छौँ। यसले सहरमा हुनसक्ने सम्भावित लुटपाटका घटनालाई नियन्त्रण गर्न सकिने छ।”

सबैभन्दा ठूलो डढेलो प्यासिफिक पालिसाडेस आसपासको करिब २० हजार एकड (आठ ८०० हेक्टर) क्षेत्रमा फैलिएको छ। अल्टाडेना वरपरको अर्को आगलागीले १३ हजार ७०० एकड जमिन जलेर नष्ट भएको छ। घटनाबारे थप विवरण आउन बाँकी भएको समाचार जनाइएको छ।

प्रकाशित मिति: शुक्रबार, पुस २६, २०८१ १३:०६

प्रतिक्रिया दिनुहोस्