क्रेष्ट माइक्रो इन्स्योरेन्सले वैदेशिक रोजगार लक्षित आईपीओ खुलाउँदै

सेयर

गृहपृष्ठ
सेयर

क्रेष्ट माइक्रो इन्स्योरेन्सले वैदेशिक रोजगार लक्षित आईपीओ खुलाउँदै

क्यापिटल नेपालसोमबार, माघ ७, २०८१

काठमाडौं। क्रेष्ट माइक्रो लाइफ इन्स्योरेन्सले वैदेशिक रोजगारीमा रहेका नेपालीलाई माघ १५ देखि आर्ईपीओ निष्कासन गर्ने भएको छ। कम्पनीले प्रतिकित्ता १०० रुपैयाँका दरमा २२ लाख ५० हजार कित्ता सेयर निष्कासन गर्न धितोपत्र बोर्डबाट अनुमति पाएको छ।

कम्पनीले १० प्रतिशत अर्थात् २ लाख २५ हजार कित्ता सेयर वैदेशिक रोजगारीमा रहेका नेपालीलाई निष्कासन गर्नेछ। वैदेशिक रोजगारीमा रहेका नेपालीले माघ २९ गतेसम्म आवेदन दिन सक्नेछन् । न्यूनतम १० कित्तादेखि अधिकतम १० हजार कित्ताका लागि आवेदन दिन पाइनेछ।

रेटिङ एजेन्सी इक्रा नेपालले कम्पनीको आईपीओलाई ‘इक्राएनपी इस्युआर डबल बी रेटिङ’ प्रदान गरेको छ। यसले कम्पनीको दायित्व बहन गर्ने क्षमतामा मध्यमस्तरको जोखिम रहेको जनाउँछ।