जापानी रेल स्टेसनमा छुरा प्रहारबाट एक जनाको मृत्यु,दुई जना घाइते

अन्तर्राष्ट्रिय

गृहपृष्ठ
अन्तर्राष्ट्रिय

जापानी रेल स्टेसनमा छुरा प्रहारबाट एक जनाको मृत्यु,दुई जना घाइते

क्यापिटल नेपाल आइतबार, माघ १३, २०८१

काठमाडौं। जापानको राजधानी टोकियोको रेल स्टेसनमा छुरा प्रहार हुँदा एक जनाको मृत्य भएको छ। घटनामा संलग्न एक व्यक्तिलाई आइतबार पक्राउ गरिएको प्रहरीले जनाएको छ।

जापानको मध्य भागमा रहेको जेआर नागानो स्टेसनबाहिर बुधबार साँझ भएको आक्रमण हिंसात्मक अपराधको दुर्लभ घटना हो। आक्रमणमा एक जनाको मृत्यु हुँदा दुई जना घाइते भएका थिए।

प्रहरीले ४६ वर्षीय स्थानीय व्यक्तिलाई पक्राउ गरेको सरकारी प्रसारक एनएचकेद्वारा प्रसारित पत्रकार सम्मेलनमा एक अधिकारीले बताए। उनलाई हत्यामा संलग्न भएको आरोपमा प्रक्राउ गरिएको छ। उनीमाथि अन्य थप आरोप लाग्न सक्छ।

स्थानीय सञ्चारमाध्यमका अनुसार आक्रमणमा ४९ वर्षीय एक पुरुषको मृत्यु भएको थियो। ३० वर्षीय एक पुरुष गम्भीर घाइते भएका थिए भने ४० वर्षीया एक महिला सामान्य घाइते भएकी थिइन्।

प्रकाशित मिति: आइतबार, माघ १३, २०८१ १२:०१

प्रतिक्रिया दिनुहोस्