‘लेखापरीक्षण क्षेत्रका विकृति विसंगति रोक्न चार्टर्ड एकाउन्टेन्ट सचेत हुनुपर्ने’

अर्थतन्त्र

गृहपृष्ठ
अर्थतन्त्र

‘लेखापरीक्षण क्षेत्रका विकृति विसंगति रोक्न चार्टर्ड एकाउन्टेन्ट सचेत हुनुपर्ने’

क्यापिटल नेपाल बिहीबार, माघ १७, २०८१

काठमाडौं। त्रिभुवन विश्वविद्यालयका उपकुलपति प्रा.डा. केशरजंग बरालले लेखापरीक्षण क्षेत्रमा देखिएका विकृति विसंगति रोक्न चार्टर्ड एकाउन्टेन्ट स्वयम् सचेत हुनुपर्ने बताएका छन्।

नेपाल चार्टर्ड एकाउन्टेन्ट संस्थाले आज आयोजना गरेको सातौँ दीक्षान्त समारोहमा उनले पेसागत धर्म पालना तथा लेखा व्यवसायका सम्बन्धमा सामाजिक मान्यता र विश्वास अभिवृद्धि गर्न चार्टर्ड एकाउन्टेन्ट लाग्नुपर्ने बताए।

‘विकासका लागि सुशासन महत्वपूर्ण छ, दीक्षित विद्यार्थीले पेसाप्रति निष्ठावान् रही मुलुकको विकासमा सघाउन प्रतिबद्धता गर्नुपर्छ,’ उपकुलपति बरालले भने, ‘सीमित स्रोतसाधनको सही उपयोग र परिचालन गर्न लेखापरीक्षणको भूमिका महत्वपूर्ण हुन्छ।’

संस्थाका अध्यक्ष प्रवीनकुमार झाले इमान्दार र आचारसंहिताको पूर्ण पालना गरेर काम गर्न दीक्षित विद्यार्थीलाई आग्रह गरे। यस अवसरमा उपकुलपति बरालले दीक्षित चार्टर्ड एकाउन्टेन्टलाई शपथ ग्रहण गराएका थिए।

प्रकाशित मिति: बिहीबार, माघ १७, २०८१ १८:२४

प्रतिक्रिया दिनुहोस्