लघुवित्त पीडितलाई न्याय दिन सरकारसँग माग

सहकारी

गृहपृष्ठ
सहकारी

लघुवित्त पीडितलाई न्याय दिन सरकारसँग माग

क्यापिटल नेपाल मंगलबार, फागुन १३, २०८१

काठमाडौं। लघुवित्त पीडितलाई न्याय दिलाउन माग गरिएको छ। प्रतिनिधिसभा बैठकमा आज विशेष समयमा सांसद शेरबहादुर कुँवरले लघुवित्त पीडित र सहकारी पीडितलाई न्याय दिलाउन ढिलाइ नगर्न सरकारसँग आग्रह गरे।

सांसद कुँवरले कर्णाली विकास बैंकमा देखिएको बेथितिका कारण हजारौँ निक्षेपकर्ता समस्यामा परेको पाइएकाले तत्काल समस्या समाधान गर्न आग्रह गरे। सेती लोकमार्ग विस्तारका क्रममा रूख कटान नहुँदा समस्या परेको भन्दै स्रोत सुनिश्चितताका लागि उनले भनाइ थियो।

सांसद वीरेन्द्रप्रसाद महतोले सिराहाको मिर्चैयामा रहेको सिमेन्ट उद्योगका कारण वातावरण प्रदूषण हुँदा जनजीवन प्रभावित भएको, स्वास्थ्यमा समस्या देखिएको भए पनि उद्योगीले कुनै सुनुवाइ नगरेको बताए।

यस्तै, राष्ट्रिय स्वतन्त्र पार्टी (रास्वपा)का सांसद हरि ढकालले पार्टी सभापति रवि लामिछाने निर्दोष रहेको र राजनीतिक प्रतिशोध साधिएकामा असन्तुष्टि व्यक्त गरे।

प्रकाशित मिति: मंगलबार, फागुन १३, २०८१ १७:००

प्रतिक्रिया दिनुहोस्