अमेरिकाको मन्त्रिपरिषद् बैठकमा सहभागी हुँदै खर्बपति व्यापारी मस्क

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकाको मन्त्रिपरिषद् बैठकमा सहभागी हुँदै खर्बपति व्यापारी मस्क

क्यापिटल नेपाल बुधबार, फागुन १४, २०८१

काठमाडौं। अमेरिकी राष्ट्रपति डोनाल्ड ट्रम्पले गत महिना पदभार ग्रहण गरेपछि आफ्नो कार्यसूचीलाई अघि बढाउने प्रयास स्वरुप बुधबार पहिलो पटक मन्त्रिपरिषद्को बैठक बोलाएका छन्।

खर्बपति तथा सल्लाहकार एलन मस्क बैठकमा उपस्थित हुने सरकारी अधिकारीमध्ये एक हुनेछ। मस्कलाई अमेरिकी सरकारी दक्षता विभाग (डीओजीई)को निरीक्षण गर्ने जिम्मेवारी दिइएको छ भने उनले हजारौँ संघीय कामदारलाई बर्खास्त गर्न खोजेका छन्।

ह्वाइट हाउसकी प्रेस सचिव कारोलिन लेभिटका अनुसार मस्कसँग मन्त्रिस्तरीय पोर्टफोलियो वा औपचारिक निर्णय गर्ने अधिकारको अभाव भए पनि ‘विशेष सरकारी कर्मचारी’ र ‘राष्ट्रपतिका वरिष्ठ सल्लाहकार’को रूपमा वर्गीकृत गरिएको छ।

यसैबीच, मस्कले डीओजीईको जिम्मेवारी र कार्य सम्पादनका क्रममा अहिले नै उथलपुथलको सामना गरिरहेका छन्। उनले संघीय सरकारका २० लाख कर्मचारीलाई सामूहिक इमेल पठाएर आफ्नो कामको औचित्य पुष्टि गर्न वा बर्खास्त हुने जोखिमबारे आदेश दिएको केही दिनपछि उनका एक तिहाइ कर्मचारीले विरोध स्वरूप राजीनामा दिए।

ट्रम्पले पदभार ग्रहण गरेदेखि अहिलेसम्म खासगरी हालसालै करारमा नियुक्त गरिएका, पदोन्नति भएका वा अन्यथा भूमिकाहरू परिवर्तन गरिएका कर्मचारीलाई बर्खास्त गरिएको छ।

प्रकाशित मिति: बुधबार, फागुन १४, २०८१ १५:२६

प्रतिक्रिया दिनुहोस्