क्रेस्ट माइक्रो लाइफ इन्स्योरेन्सको आईपीओ खुल्यो

सेयर

गृहपृष्ठ
सेयर

क्रेस्ट माइक्रो लाइफ इन्स्योरेन्सको आईपीओ खुल्यो

क्यापिटल नेपाल बिहीबार, फागुन २२, २०८१

काठमाडौं। क्रेस्ट माइक्रो लाइफ इन्स्योरेन्सले आजदेखि सर्वसाधारणका लागि प्रारम्भिक निष्कासन बिक्री आईपीओ खुलाएको छ।

कम्पनीले प्रतिकित्ता १०० रुपैयाँका दरमा १८ करोड ४५ लाख रुपैयाँ बराबरको १८ लाख ४५ हजार कित्ता सेयर निष्कासन गरेको हो।

धितोपत्र बोर्डबाट साढे २२ लाख कित्ता बिक्री अनुमति पाएको कम्पनीले वैदेशिक रोजगारीमा रहेका नेपालीलाई प्रतिकित्ता १०० रुपैयाँका दरमा २ लाख २५ हजार कित्ता आईपीओ खुलाइसकेको छ।

त्यस्तै, ६७ हजार ५०० कित्ता कर्मचारी र १ लाख १२ हजार ५०० कित्ता सेयर सामूहिक लगानी कोषका लागि सुरक्षित गरेको छ।बाँकी रहेको १८ लाख ४५ हजार कित्ता सेयरमा सर्वसाधारणले आवेदन दिन सक्नेछन्।

फागुन २६ सम्म तोकिएको म्यादमा मागअनुसार आवेदन नपरे चैत ७ गतेसम्म दिन सकिने कम्पनीले जनाएको छ। यसमा न्यूनतम १० कित्तादेखि अधिकतम १० हजार कित्तासम्म आवेदन दिन सकिनेछ।

कम्पनीको आईपीओ बिक्री प्रबन्धकमा एनआइएमबी एस क्यापिटल रहेको छ। आईपीओ सी–आस्वा प्राप्त बैंक तथा वित्तीय संस्था तथा मेरो सेयरमार्फत आवेदन दिन सकिनेछ।

रेटिङ एजेन्सी इक्रा नेपालले कम्पनीको आईपीओलाई ‘इक्राएनपी इस्युआर डबल बी रेटिङ’ दिएको छ। यसले कम्पनीको दायित्व वहन क्षमतामा मध्यमस्तरको जोखिम रहेको जनाउँछ।

प्रकाशित मिति: बिहीबार, फागुन २२, २०८१ ०७:१८

प्रतिक्रिया दिनुहोस्