जस्तापाताको टहरामा टिपर छिर्दा तीन जनाले ज्यान गुमाए

समाज

गृहपृष्ठ
समाज

जस्तापाताको टहरामा टिपर छिर्दा तीन जनाले ज्यान गुमाए

क्यापिटल नेपालशुक्रबार, फागुन २३, २०८१

कठमाडौं। काठमाडौंको शंकरापुर नगरपालिका–६ सलम्बुटारस्थित आश्रयस्थलको टहरामा टिपर अनियन्त्रित भएर छिर्दा तीन जनाले ज्यान गुमाएका छन्।

द्वन्द्वपीडित तथा अपांग समाज संस्थाले निर्माण गरेको जस्तापाताको टहरामा शुक्रबार बिहान ३ः४० बजे बा२क ६५८० टिपरले ठक्कर दिँदा तीन जनाको मृत्यु भएको हो।

आश्रयस्थलका १० जना सुतिरहेको टहरामा अनियन्त्रित भएको टिपर छिरेपछि तीन जनाले ज्यान गुमाएको काठमाडौं प्रहरी परिसरका प्रवक्ता एसपी अपिलराज बोहराले बताए।

टिपरको ठक्करबाट २१ वर्षीय आकाश, २१ वर्षकै सुमन र अन्दाजी ४५ को हरिजन गम्भीर घाइते भएका थिए।

घाइते उनीहरूलाई प्रहरीले उद्धार गरी नेपाल मेडिकल कलेज अत्तरखेल पठाइएकामा तीनै जनालाई ४ः३३ बजे अस्पतालले मृत घोषित गरेको प्रहरीले जनाएको छ। घटनाबारे थप अनुसन्धान भइरहेको एसपी बोहराको भनाइ छ।

टिपर चालक सिन्धुपाल्चोक मेलम्ची नगरपालिका वडा– १२ का २५ वर्षीय सागर माझीलाई प्रहरीले नियन्त्रणमा लिएको छ।

प्रकाशित मिति: शुक्रबार, फागुन २३, २०८१ ०८:१५

प्रतिक्रिया दिनुहोस्