वीर अस्पतालका दुवै सिफ्टमा अपरेशन सेवा सुरु

समाज

गृहपृष्ठ
समाज

वीर अस्पतालका दुवै सिफ्टमा अपरेशन सेवा सुरु

क्यापिटल नेपालसोमबार, फागुन २६, २०८१

काठमाडौं। देशकै पुरानो वीर अस्पतालमा दुई सिफ्टमा अपरेशन सेवा सुरु भएको छ। बिरामीको बढिरहेको चापअनुसार सेवा दिन भन्दै अस्पतालले नाक, कान, घाँटी, दन्त, युरोलोजी तथा सामान्य अपरेशन सेवा दुई सिफ्टमा सुरु गरेको हो।

अस्पतालका निमित्त निर्देशक डा. समाज गौतमले धेरै बिरामीलाई सुविधा दिने हिसाबले अहिले केही सेवामा दुवै सिफ्टमा अपरेशन आरम्भ गरिएको जानकारी दिए। यसअघि अस्पतालमा एक सिफ्टमा मात्र अपरेशन सेवा उपलब्ध भइरहेको थियो।

स्वास्थ्य तथा जनसंख्या मन्त्री प्रदीप पौडेलले सबै संघिय अस्पताललाई दुवै सिफ्टमा ओपीडी सेवा आरम्भ गरेका थिए। सोहीअनुसार कार्ययोजना बनाएर अहिलेको सेवा सुरु गरिएको अस्पतालले जनाएको छ। वीरले ओपीडी र सार्वजनिक बिदामा सेवा दिंदै आए पनि दुवै सिफ्टमा अपरेशन बल्ल सुरु गरेको हो।

'अहिले बढी बिरामीको चाप भएका केही सेवा दुवै सिफ्टमा सुरु भएका छन्', उनले भने, 'विस्तारै बाँकी अरु सेवालाई पनि दुई सिफ्टमा लैजाने योजना छ।' आन्तरिक जनशक्ति र स्रोतबाटै व्यवस्थापन गरेर सेवा आरम्भ गरिएको निमित्त निर्देशक गौतमले बताए ।

दुवै सिफ्टमा हुने अपरेशनका कारण यसअघि सेवा पाइरहेका भन्दा धेरै बिरामीले लाभ लिन सक्ने उनको भनाइ छ। डा.गौतमले निमित्त निर्देशक भएलगत्तै एक साताभित्र यस्तो सेवा आरम्भ गर्ने घोषणा गरेका थिए।

प्रकाशित मिति: सोमबार, फागुन २६, २०८१ १७:०१

प्रतिक्रिया दिनुहोस्