सानिमा जिआईसी इन्स्योरेन्सले बोलायो सातौँ वार्षिक साधारण सभा, यस्ता छन् पारित हुने प्रस्ताव

सेयर

गृहपृष्ठ
सेयर

सानिमा जिआईसी इन्स्योरेन्सले बोलायो सातौँ वार्षिक साधारण सभा, यस्ता छन् पारित हुने प्रस्ताव

क्यापिटल नेपालमंगलबार, फागुन २७, २०८१

काठमाडौं। सानिमा जिआईसी इन्स्योरेन्सले साधारण सभा बोलाएको छ। गत आर्थिक वर्षको मुनाफाबाट शेयरधनीहरुलाई वितरण गर्ने लाभांश पारित गर्न इन्स्योरेन्सले साधारण सभा बोलाएको हो।

चैत २१ गते बिहीबार बिहान ११ बजे अमृतभोग कालिकास्थान काठमाडौंमा सातौँ वार्षिक साधारण सभा सुृरु हुने इन्स्योरेन्सले जनाएको छ। सभाले हाल कायम चुक्ता पूँजीको ७.५ प्रतिशतका दरले बोनस शेयर, सोको कर प्रयोजनार्थ ०.३९४७ प्रतिशत नगद लाभांश वितरण गर्ने इन्स्योरेन्सले बताएको छ। यस्तै छैठौँ वार्षिक साधारण सभाबाट पारित २५ प्रतिशत हकप्रद शेयर संशोधन गरी १७ प्रतिशत हकप्रद शेयर जारी गर्ने विशेष प्रस्ताव पारित गरिने इन्स्योरेन्सले जनाएको छ।

सभाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने लेखापरीक्षक नियुक्त गर्ने लगायतका प्रस्तावहरु पनि पारित गर्ने छ। साधारण सभा तथा लाभांश वितरण प्रयोजनार्थ इन्स्योरेन्सले चैत ८ गते बुकक्लोज गर्ने भएको छ।

यसअनुसार चैत ७ गतेसम्म नेप्सेमा कारोबार भइ कायम शेयरधनीहरुले इन्स्योरेन्सको साधारण सभामा सहभागिता जनाउन तथा इन्स्योरेन्सले वितरण गर्ने लाभांश प्राप्त गर्न सक्ने छन्।

प्रकाशित मिति: मंगलबार, फागुन २७, २०८१ ११:२४

प्रतिक्रिया दिनुहोस्