विपद् जोखिम न्यूनिकरणका लागि मिलेर काम गर्नुपर्छः गृहमन्त्री

समाज

गृहपृष्ठ
समाज

विपद् जोखिम न्यूनिकरणका लागि मिलेर काम गर्नुपर्छः गृहमन्त्री

क्यापिटल नेपाल मंगलबार, फागुन २७, २०८१

काठमाडौं। गृहमन्त्री रमेश लेखकले विपद् जोखिम न्यूनिकरण तथा व्यवस्थापनका लागि सरोकारवाला सबै मिलेर काम गर्नुपर्ने बताए। कैलालीको धनगढी उपमहानगरपालिका–१३ स्थित प्रादेशिक आपतकालीन गोदामघर हस्तान्तरण कार्यक्रममा गृहमन्त्री लेखकले यस्तो बताएका हुन्।

काठमाडौंमा रहेको आपतकालीन गोदामघरलाई केन्द्रिय आपतकालीन गोदामघरको रुपमा विकास गर्ने योजना रहेको उनको भनाइ छ। उनले वैदेशिक सहयोगबाट प्राप्त सामग्री तथा सरकारले खरिद गरेरै भए पनि प्रदेशमा रहेका आपतकालीन गोदामघरलाई आवश्यक सामग्री उपलब्ध गराइने बताए।

सरकारले प्रदेशलाई हस्तान्तरण गरेको आपतकालीन गोदामघरको रेखदेख गर्ने जिम्मेवारी अब प्रदेश सरकारको भएको गृहमन्त्री लेखकले उल्लेख गरे।

प्रकाशित मिति: मंगलबार, फागुन २७, २०८१ १५:५४

प्रतिक्रिया दिनुहोस्