हिमालयन एभरेष्ट इन्स्योरेन्सको ३१औँ वार्षिक साधारण सभा सम्पन्न

सेयर

गृहपृष्ठ
सेयर

हिमालयन एभरेष्ट इन्स्योरेन्सको ३१औँ वार्षिक साधारण सभा सम्पन्न

क्यापिटल नेपाल मंगलबार, फागुन २७, २०८१

काठमाडौं। हिमालयन एभरेष्ट इन्स्योरेन्स कम्पनी लिमिटेडको ३१औं वार्षिक साधारण सभा सम्पन्न भएको छ। सो कम्पनीका अध्यक्ष महेन्द्र कृष्ण श्रेष्ठको अध्यक्षतामा अनमोल बैंक्वेट शंखमुलमा वार्षिक साधारण सभा सम्पन्न भएको हो।

यसअघि साधारण सभा र लाभांश वितरणको प्रयोजनका लागि कम्पनीको शेयरधनी दर्ता फागुन १५ गते बन्द गरिएको थियो। फागुन १४ गतेसम्म कायम शेयरधनीले साधारणसभामा भाग लिई कम्पनीको लाभांश पाउने भएका छन्।

उक्त साधारण सभाबाट आव २०८०/८१ को वार्षिक प्रतिवेदन, वासलात, नाफा नोक्सान हिसाब, नगद प्रवाह विवरण, ईक्विटीमा भएको परिवर्तनलगायतका प्रस्ताव पारित गरिएको छ। सोही आवको मुनाफाबाट शेयरधनीलाई चुक्ता पूँजीको ८.७५ प्रतिशतका दरले हुन आउने २१ करोड ८७ लाख ६३ हजार ७७३ बराबरको नगद लाभांश समेत पारित गरिएको छ।

यसैगरी साधारण सभाबाट आव २०८१/८२ को लागि कम्पनीको बाह्रय लेखापरीक्षकको नियुक्ती र पारीश्रमिक समेत लेखापरीक्षण समितिले सिफारिस गरिए बमोजिम अनुमोदन गर्ने निर्णय गरेको छ। साधारण सभालाई सम्बोधन गर्दै कम्पनीका अध्यक्ष महेन्द्र कृष्ण श्रेष्ठले कम्पनीको प्रविधि र प्रतिभामा वर्तमानमा गरेको लगानीको माध्यमबाट दीर्घकालिन रुपमा स्रोतको परिचालन गरी दिगो लाभ लिन सकिनेमा विश्वास लिएको बताए।

प्रकाशित मिति: मंगलबार, फागुन २७, २०८१ १६:३६

प्रतिक्रिया दिनुहोस्