स्टार्टअप कर्जाः व्यावसायिक परियोजना प्रस्तुतिमा छुटेका उद्यमीलाई आवेदन दिने समयावधि थप

स्टार्टअप

गृहपृष्ठ
स्टार्टअप

स्टार्टअप कर्जाः व्यावसायिक परियोजना प्रस्तुतिमा छुटेका उद्यमीलाई आवेदन दिने समयावधि थप

क्यापिटल नेपालमंगलबार, चैत ५, २०८१

काठमाडौं। स्टार्टअप उद्यम कर्जा छनोटमा परेका उद्यमीलाई व्यावसायिक परियोजना प्रस्तुतिका लागि आगामी चैत १२ भित्र सम्पर्क आउन औद्योगिक व्यवसाय विकास प्रतिष्ठानले सूचना जारी गरेको छ। प्रतिष्ठानले आगामी चैत १३, १४ र १५ भित्र व्यावसायिक परियोजना प्रस्तुतिका लागि छुटेका प्रस्तावकलाई समय थपेको हो।

‘प्रस्तुतीकरण गर्न छुटेका प्रस्तावकले आगामी चैत १२ भित्र प्रतिष्ठानको नम्बर वा इमेलमा सम्पर्क गरी नयाँ प्रस्तुतीकरणका मिति लिनुहुन अनुरोध छ,’ सूचनामा भनिएको छ, ‘तोकिएको मितिमा प्रस्तुतीकरण गर्न नआए अर्को मौका नदिइने जानकारी गराइन्छ ।’
स्टार्टअप उद्यम कर्जाका लागि आवदेन परेकामध्ये पहिलो चरणका लागि १ हजार ३१४ वटा परियोजना छानिएको प्रतिष्ठानले जनाएको छ।

औद्योगिक व्यवसाय विकास प्रतिष्ठानले भदौ ११ मा सूचना सार्वजनिक गर्दै २१ दिनभित्र परियोजना प्रस्ताव पेस गर्न आह्वान गरेको थियो।

त्यस बेला स्टार्टअप उद्यम कर्जाका लागि ५ हजार १५८ उद्यमीले परियोजना प्रस्ताव पेस गरेका थिए। १ हजार ३१४ परियोजना दोस्रो चरणको मूल्यांकनका लागि छानिएका थिए।

फागुससम्म ८४८ जनाले व्यवसायिक प्रस्तुतीकरण गरिसकेको प्रतिष्ठानका कार्यकारी निर्देशक इन्जिनियर उमेशकुमार गुप्ताले जानकारी दिए। छनोटमा परेका परियोजनाले पुस २८ देखि चैत ११ सम्म व्यावसायिक प्रस्ताव प्रस्तुतीकरण गर्नेछन्।