महालक्ष्मी विकास बैंकको भैरहवा शाखाबाट सुनकर्जा सेवा

बैंकिङ

गृहपृष्ठ
बैंकिङ

महालक्ष्मी विकास बैंकको भैरहवा शाखाबाट सुनकर्जा सेवा

क्यापिटल नेपालशुक्रबार, चैत १५, २०८१

काठमाडौं। महालक्ष्मी विकास बैंकले भैरहवा शाखाबाट सुनकर्जा सेवा दिन थालेको छ। बैंकले भैरहवामा आयोजित एक विशेष कार्यक्रममार्फत सुनकर्जा सेवाको सुरुवात गरेको हो।

बैंकका सञ्चालक राहुल अग्रवालको प्रमुख आतिथ्यतामा र प्रदेश प्रमुख तथा शाखा प्रबन्धकको उपस्थितिमा उक्त सेवा शुभारम्भ गरिएको बैंकले जनाएको छ।

बैंकले आफ्ना ग्राहकलाई अझै सहज, छिटो छरितो र भरपर्दो सेवा प्रदान गर्ने उद्देश्यले सुनकर्जा सेवा प्रारम्भ गरेको छ। ग्राहकले न्यूनतम ब्याजदर, छिटो प्रक्रिया तथा सहज सुविधाका साथ भैरहवा शाखाबाट सुनकर्जा प्राप्त गर्न सक्ने बैंकले बताएको छ।

बैंकले सदैव ग्राहकको आवश्यकता अनुरूप नवीनतम वित्तीय सेवा उपलब्ध गराउने प्रतिबद्धता जनाएको छ। सुनकर्जा सेवाले ग्राहकलाई आपतकालीन वित्तीय आवश्यकता पूरा गर्न सहयोग गर्ने बैंकको भनाइ छ।

प्रकाशित मिति: शुक्रबार, चैत १५, २०८१ ०७:५६

प्रतिक्रिया दिनुहोस्