पियोर इनर्जीको आईपीओमा आवेदन दिने आज अन्तिम दिन

सेयर

गृहपृष्ठ
सेयर

पियोर इनर्जीको आईपीओमा आवेदन दिने आज अन्तिम दिन

क्यापिटल नेपाल मंगलबार, वैशाख २, २०८२

काठमाडौं। पियोर इनर्जीले बिक्री खुल्ला गरेको आईपीओमा आज आवेदन दिने अन्तिम दिन रहेको छ। कम्पनीले चैत २८ गतेदेखि निष्काशन तथा बिक्री खुल्ला गरेको आईपीओमा आवेदन दिने आज अन्तिम दिन हो।

कम्पनीले प्रतिकित्ता १०० रुपैयाँका दरमा ११ करोड ९५ लाख २० हजार रुपैयाँ बराबरको ११ लाख ९५ हजार २०० कित्ता सेयर बिक्री खुलाएको हो।

आईपीओमा न्यूनतम १० कित्तादेखि अधिकतम १ लाख कित्ताका आवेदन दिन सकिने कम्पनीले जनाएको छ।कम्पनीको आईपीओमा सी–आस्वा प्राप्त बैंक तथा वित्तीय संस्था तथा मेरो सेयरमार्फत आवेदन दिन सकिनेछ।

कम्पनीले यसअघि स्थानीयलाई जारी पुँजी ८० करोड रुपैयाँको २ प्रतिशत अर्थात् १ करोड ६० लाख रुपैयाँ बराबरको १ लाख ६० हजार कित्ता सेयर बिक्री गरिसकेको छ।

यस्तै, वैदेशिक रोजगारीमा रहेका नेपालीका लागि पनि १ लाख ४४ हजार कित्ता सेयर बिक्री गरिसकेको छ। कम्पनीको आईपीओ बिक्री प्रबन्धक नबिल इन्भेष्टमेन्ट बैंकिङ रहेको छ।

प्रकाशित मिति: मंगलबार, वैशाख २, २०८२ १२:०६