जंगलको आगो फैलिएपछि नवदुर्गामा क्षति

समाज

गृहपृष्ठ
समाज

जंगलको आगो फैलिएपछि नवदुर्गामा क्षति

क्यापिटल नेपालआइतबार, वैशाख १४, २०८२

डडेल्धुरा। नवदुर्गा गाउँपालिकाको कार्यालयका तीन वटा शाखामा आगलागी भएको छ। जंगलमा आगो फैलिएपछि स्वास्थ्य, महिला तथा बालबालिका र आन्तरिक लेखापरीक्षण शाखामा क्षति पुगेको प्रमुख प्रशासकीय अधिकृत अमितकुमार साहले जानकारी दिए।

उनले आज दिउँसो आगलागी हुँदा प्रिप्याफ भवन र भवनमा रहेका महत्वपूर्ण कागजात जलेर नष्ट भएका बताए। जंगल क्षेत्रमा आगो नियन्त्रणमा नआएकाले जोखिम कायमै रहेको र स्थानीयवासी, नेपाली सेना र प्रहरी संयुक्त रूपमा आगो निभाउने प्रयासमा जुटिरहेका छन्।

दुर्गा भवानी सामुदायिक वनमा लागेको डढेलोको आगो हावाको कारणले पालिकासम्म पुगेको हो। पालिका कार्यालयले हालसम्म क्षतिको यकिन विवरण संकलन गर्न नसकेको जनाइएको छ।

प्रकाशित मिति: आइतबार, वैशाख १४, २०८२ ०६:५०

प्रतिक्रिया दिनुहोस्