आईएमई लाइफकाे नाफा १० प्रतिशतले बढ्दा प्रति सेयर आम्दानी घट्याे

सेयर

गृहपृष्ठ
सेयर

आईएमई लाइफकाे नाफा १० प्रतिशतले बढ्दा प्रति सेयर आम्दानी घट्याे

क्यापिटल नेपाल आइतबार, वैशाख २१, २०८२

काठमाडौं। आईएमई लाइफ इन्स्योरेन्सले चालु आर्थिक वर्षको तेस्रो त्रैमासिक अपरिस्कृत वित्तीय विवरण सार्वजनिक गरेको छ।

सार्वजनिक विवरणअनुसार कम्पनीको नाफा १० प्रतिशत बढेको छ। चालु आवमा तेस्रो त्रैमाससम्म कम्पनीले ३६ करोड ६३ लाख रुपैयाँ खुद नाफा कमाएको छ। गत आर्थिक वर्षको सोही अवधिमा यस्तो नाफा ३३ करोड १५ लाख रुपैयाँ थियो।

खुद प्रिमियम आम्दानी बढ्दा नाफामा टेवा पुगेको छ । यस्तो आम्दानी पहिले ३ अर्ब ११ करोड रुपैयाँ रहेकोमा अहिले ३ अर्ब ६० करोड छ । नाफा बढे पनि प्रतिसेयर आम्दानी घटेको छ।

कम्पनीले २५ प्रतिशत बोनस सेयर जारी गरेर चुक्ता पूँजी ५ अर्ब पुर्‍याएपछि प्रतिसेयर आम्दानी घटेको हो। वार्षिक प्रतिसेयर आम्दानी ११ रुपैयाँ रहेकोमा अहिले ९ रुपैयाँ ७७ पैसा छ । कम्पनीको प्रतिसेयर नेटवर्थ १३२ रुपैयाँ ६७ पैसा छ । गत साता बजार बन्द हुँदा सेयर मूल्य प्रतिकित्ता ४५२ रुपैयाँ छ।

प्रकाशित मिति: आइतबार, वैशाख २१, २०८२ १०:१९

प्रतिक्रिया दिनुहोस्