तस्करी गरेको साढे सात हजार कुखुराका चल्ला नष्ट

समाज

गृहपृष्ठ
समाज

तस्करी गरेको साढे सात हजार कुखुराका चल्ला नष्ट

क्यापिटल नेपालशनिबार, जेठ २४, २०८२

पर्सा। सशस्त्र प्रहरी बल पर्साले छिमेकी मुलुक भारतबाट अवैध तस्करी गरेर भित्र्याएको प्रतिबन्धित सात हजार ५०० गोटा कुखुराको चल्ला बरामद गरेको छ।

सशस्त्र प्रहरी बल पर्साबाट खटिएको टोलीले बहुदरमाई नगरपालिका ५ डकैला चोकबाट भारतबाट अवैध रुपमा चोरी पैठारी गरी तीन वटा भारतीय नम्बर प्लेटका मोटरसाइकलमा लोड गरेर नेपाल ल्याउँदै गरेको ७५ कार्टनु अर्थात् सात हजार ५०० गोटा प्रतिबन्धित ब्रोइलर कुखुराको चल्ला नियन्त्रणमा लिएको हो।

सशस्त्र प्रहरी बल नेपाल पर्साका सूचना अधिकारी देवेन्द्र बहादुर सिंहले बरामद भएको प्रतिबन्धित कुखुराको चल्लालाई क्वारेन्टाइन कार्यालयका प्रतिनिधि, स्थानीय जनप्रतिनिधि र सञ्चारकर्मीको उपस्थितिमा नष्ट गरिएको जानकारी दिए।