एलन मस्कले भने- डोनाल्ड ट्रम्पबारे गरेका केही आलोचनाप्रति पछुतो छ

अन्तर्राष्ट्रिय

गृहपृष्ठ
अन्तर्राष्ट्रिय

एलन मस्कले भने- डोनाल्ड ट्रम्पबारे गरेका केही आलोचनाप्रति पछुतो छ

क्यापिटल नेपाल बुधबार, जेठ २८, २०८२

काठमाडौं। संसारका सबैभन्दा धनी व्यक्ति एलम मस्कले अमेरिकी राष्ट्रपति डोनाल्ड ट्रम्पसँग मतभेदपछि आलोचना गर्नुमा केही पछुतो भएको बताएका छन्।

‘गत हप्ता राष्ट्रपति डोनाल्ड ट्रम्पबारे मैले गरेको केही पोष्टप्रति मलाई खेद छ। तिनीहरू धेरै बढी गए,’ मस्कले आफ्नो सामाजिक सञ्जाल एक्समा भनेका छन्।

मस्कले पछुतोको अभिव्यक्ति ट्रम्पले टेक अर्बपतिलाई विवादास्पद खर्च विधेयकको पक्षमा मतदान गर्ने रिपब्लिकनलाई सजाय दिन खोजे ‘गम्भीर परिणाम’ भोग्नुपर्ने धम्की दिएको केही दिनपछि आएको हो।

मुख्यतः गत बिहीबार जनताको अगाडि सामाजिक सञ्जालमा भएको उनीहरूको कटुतापूर्ण बिछोड मस्कले ट्रम्पको तथाकथित ‘ठूलो, सुन्दर’ खर्च विधेयकको कडा आलोचना गरेपछि सुरु भएको थियो। उक्त विधेयक हाल कांग्रेसमा छ।

गत वर्षको राष्ट्रपति चुनावमा रिपब्लिकन पार्टीका सबैभन्दा ठूला वित्तीय समर्थकमध्ये मस्कलाई विधेयकको विरोध गर्ने केही सांसदले कानूनको पक्षमा मतदान गर्ने रिपब्लिकनविरुद्धको प्राथमिक चुनौतीहरूलाई आर्थिक सहयोग गर्न आह्वान गरेका थिए।

‘यदि, उहाँले त्यसो गर्नु भयो भने उहाँले धेरै गम्भीर परिणाम भोग्नुपर्ने छ,’ ट्रम्पले शनिबार एनबिसी न्युजसँग भने। उनले मस्कलाई ‘अनादरकारी’ भनेका थिए।

प्रकाशित मिति: बुधबार, जेठ २८, २०८२ १८:०१

प्रतिक्रिया दिनुहोस्