विमान दुर्घटनामा गुजरातका पूर्वमुख्यमन्त्री पनि परे, सयौँ शव निकालियो-१५ डाक्टर घाइते

अन्तर्राष्ट्रिय

गृहपृष्ठ
अन्तर्राष्ट्रिय

विमान दुर्घटनामा गुजरातका पूर्वमुख्यमन्त्री पनि परे, सयौँ शव निकालियो-१५ डाक्टर घाइते

क्यापिटल नेपाल बिहीबार, जेठ २९, २०८२

काठमाडौं। भारतको अहमदाबादमा दुर्घटनाग्रस्त विमानमा गुजरातका पूर्व मुख्यमन्त्रीसमेत रहेको भारतीय सञ्चार माध्यमले जनाएको छ। अहमदावादबाट लण्डनका लागि उडान भरेको बोइङ एआई १७१ जहाज उडेलगत्तै दुर्घटना भएको थियो।

कूल २४२ यात्रु सवार एयर इन्डियाको ड्रिमलाइनर विमानमा गुजरातका पूर्वमुख्यमन्त्री विजय रुपाणी रहेको भारतीय समाचार संस्था दैनिक भास्करले उल्लेख गरेको छ।

भारतीय समय अनुसार १ बजेर ३८ मिनेटमा जहाज टेकअफ गरेको थियो। लगत्तै दुर्घटनामा भएको हो। अहिले उद्धार भइरहेको छ।

विमानस्थल परिसरसँगै रहेको एयर कस्टम कार्गो कार्यालय नजिकै विमान दुर्घटनाग्रस्त भएको थियो। विमान खस्ने बित्तिकै सम्पूर्ण क्षेत्रमा धुवाँको मुस्लो फैलिएको थियो।

विमानका पाइलट सुमित सभरवाल थिए। उनीसँगै प्रथम अधिकृत क्लाइभ कुन्दर पनि थिए। क्याप्टेन सुमित एलटिसी थिए। उनीसँग ८ हजार २०० घण्टा उडान गरेको अनुभव थियो। सहपाइलटसँग एक हजार १०० घण्टा उडान अनुभव थियो।

विमान ठोक्किएको भवनमा अहमदाबाद सिभिल अस्पतालका डाक्टरहरू बस्थे। जानकारी अनुसार, १५ जना डाक्टर घाइते भएका छन्। यस्तै घटनास्थलबाट एक सयभन्दा बढी शव निकालिएको समाचारमा जनाइएको छ।

प्रकाशित मिति: बिहीबार, जेठ २९, २०८२ १५:४६

प्रतिक्रिया दिनुहोस्