भारतमा एलन मस्कको स्टारलिंकले पायो लाइसेन्स, इन्टरनेटमा नयाँ आयमको सुरुवात

प्रविधि

गृहपृष्ठ
प्रविधि

भारतमा एलन मस्कको स्टारलिंकले पायो लाइसेन्स, इन्टरनेटमा नयाँ आयमको सुरुवात

क्यापिटल नेपाल बुधबार, असार ४, २०८२

काठमाडौं। भारतले एलन मस्कको इन्टरनेट कम्पनी स्टारलिंकको सेवालाई इजाजतपत्र प्रदान गरेको छ। यसले भारतको ‘कनेक्टिभिटीको अर्को सीमा’ खोलेको भारतका सञ्चार मन्त्रीले बताएका छन्।

पृथ्वीको निम्न कक्षाका उपग्रह प्रयोग गरेर दुर्गम स्थानमा उच्च गतिको इन्टरनेट पहुँच प्रदान गर्ने स्टारलिंकको सुरुआतले भारतमा प्रिडेटरी मूल्य निर्धारणदेखि स्पेक्ट्रम बाँडफाँटसम्मका विषयमा तीव्र बहस सुरु गरेको छ।

सञ्चारमन्त्री ज्योतिरादित्य सिन्धियाले स्टारलिंकका मालिक स्पेसएक्सका अध्यक्ष र प्रमुख परिचालन अधिकारी ग्वेनी सटवेलसँग ‘फलदायी बैठक’ गरेको बताए।

‘सटवेलले स्टारलिंकलाई दिइएको इजाजतपत्रको प्रशंसा गर्दै यसलाई यात्राको उत्कृष्ट सुरुआत भन्नु भएको छ,’ मन्त्रीले मंगलबार मस्कको स्वामित्वमा रहेको सामाजिक सञ्जाल प्लेटफर्म एक्समा भने।

यो भारतका दुई ठूला टेलिकम सेवा प्रदायक जिओ प्लेटफर्म र यसको प्रतिद्वन्द्वी भारती एयरटेलले मार्चमा आफ्ना ग्राहकलाई स्टारलिंक इन्टरनेट प्रदान गर्न स्पेसएक्ससँग सम्झौता गरेको घोषणा पछि आएको हो।

स्पेसएक्सका मालिक मस्कले एसियाका सबैभन्दा धनी व्यक्ति र जिओ प्लेटफर्मका मालिक मुकेश अम्बानीसँग स्याटेलाइट स्पेक्ट्रम कसरी प्रदान गर्ने भन्ने विषयमा कुरा गरेका थिए।

भारतमा मस्कका व्यापारिक चासोहरू हाल एक्समा मात्र सीमित भएता पनि टेक उद्यमीको इलेक्ट्रिक सवारी साधन निर्माता टेस्लाले देशमा प्रवेशको तयारी गरिरहेको छ

प्रकाशित मिति: बुधबार, असार ४, २०८२ १२:०१

प्रतिक्रिया दिनुहोस्