सुनचाँदी पसलमा नक्कली तिलहरी धितो राखेर ११ लाख ठगी, एक जना महिला पक्राउ

समाज

गृहपृष्ठ
समाज

सुनचाँदी पसलमा नक्कली तिलहरी धितो राखेर ११ लाख ठगी, एक जना महिला पक्राउ

क्यापिटल नेपालमंगलबार, असार १७, २०८२

काठमाडौं। सुनचाँदी पसलमा नक्कली तिलहरी धितो राखेर ११ लाख ठगेकाे आराेपमा एक जना महिला पक्राउ परेकी छन्। बुद्धनगरस्थित एउटा सुनचाँदी पसलमा छड्के तिलहरी धितो राखेर ११ लाख रुपैयाँ ठगी गरेकाे आराेपमा प्रहरीले उनलाई नियन्त्रणमा लिएकाे हाे।

पक्राउ पर्नेमा रामेछापको लिखु तामाकोशी गाउँपालिका–६ घर भई भक्तपुर बस्ने ४२ वर्षीय दिलमाया मगर रहेकी छन्। आइतबार अर्को पसलमा गहना धितो राख्न पुगेको अवस्थामा व्यापारीहरुले खबर गरेपछि प्रहरी वृत्त नयाँ बानेश्वरको टोलीले उनलाई पक्राउ गरेको हो।

उनले ‘प्रहरी हुँ’ भनेर प्रहरी सहायक निरीक्षक (असई)को तस्बिर देखाएर समेत ठग्ने गरेको जिल्ला प्रहरी परिसर काठमाडौंले बताएकाे छ। उनीविरुद्ध अदालतबाट ७ दिनको म्याद लिई ठगी मुद्दामा अनुसन्धान भइरहेकाे प्रहरीले ‍जानकारी दिएकाे छ।

प्रकाशित मिति: मंगलबार, असार १७, २०८२ १५:२७

प्रतिक्रिया दिनुहोस्