रुसमा ८.७ म्याग्निच्युडको शक्तिशाली भूकम्प, अमेरिका, जापानसहितका देशमा सुनामीको चेतावनी

अन्तर्राष्ट्रिय

गृहपृष्ठ
अन्तर्राष्ट्रिय

रुसमा ८.७ म्याग्निच्युडको शक्तिशाली भूकम्प, अमेरिका, जापानसहितका देशमा सुनामीको चेतावनी

क्यापिटल नेपाल बुधबार, साउन १४, २०८२

तस्बिर, अलजजिरा

काठमाडौं। रुसको सुदूरपूर्वी कामचाट्का क्षेत्रमा आज बिहान ८.७ म्याग्निच्युडको शक्तिशाली भूकम्प गएको छ। शक्तिशाली भूकम्पपछि धेरै देशमा सुनामीको चेतावनी जारी गरिएको अन्तर्राष्ट्रिय सञ्चार माध्यमले जनाएका छन्।

अमेरिकाको भूगर्भ सर्वेक्षणका अनुसार ८.७ म्याग्निच्युडको भूकम्प रुसको सुदूरपूर्वी शहर पेत्रोपाभ्लोभ्स्क–कामचाट्स्कीबाट १३६ किलोमिटर (८५ माइल) पूर्वमा गएको हो।

भूकम्पपछि ६.९ र ६.३ म्याग्निच्युडका परकम्प पेत्रोपाभ्लोभ्स्कबाट १४७ किलोमिटर र भिल्युचिन्स्कबाट १३१ किलोमिटर दक्षिणपूर्वमा मापन गरिएको छ।

भूकम्पपछि १३ फिटसम्म अग्ला छाल मापन गरिएको थियो। भूकम्पसिछ जापान, अमेरिकामा सुनामी आउने चेतावनी जारी गरिएको छ।

रुसको कामचाट्काका गभर्नर भ्लादिमिर सोलोदोभले टेलिग्राममा पोस्ट गरिएको भिडियोमा यो भूकम्पलाई दसकौंयताको सबैभन्दा शक्तिशाली’ भूकम्प भनेका छन्।

होनोलुलु आपतकालीन व्यवस्थापन विभागले विनाशकारी सुनामी छाल आउने सम्भावना रहेको भन्दै केही तटीय क्षेत्र खाली गर्न भनेको सीएनएनले जनाएको छ। जापानी अधिकारीका अनुसार करिब १० फिटसम्म अग्ला छाला तटीय क्षेत्रमा आउने अनुमान छ।–एजेन्सी

प्रकाशित मिति: बुधबार, साउन १४, २०८२ ०९:१३

प्रतिक्रिया दिनुहोस्